Parłamient Kosava ŭ niadzielu vybraŭ prezidentam Respubliki svajho eks-staršyniu Vjosu Asmani. Kandydaturu 38-hadovaj jurystki padtrymaŭ 71 deputat sa 120. A 38 parłamientaryjaŭ — dźvie apazicyjnyja partyi i palityčnaja siła, jakaja pradstaŭlaje intaresy etničnych sierbaŭ, — bajkatavali hałasavańnie, piša Deutsche Welle.
portalb.mk
Asmani stała druhoj žančynaj na pasadzie prezidenta Kosava. Z krasavika 2011 hoda pa krasavik 2016-ha hetuju pasadu zajmała Atyfiete Jachjaha.
Pravał hałasavańnia pahražaŭ daterminovymi vybarami ŭ parłamient Kosava.
Napiaredadni parłamient padčas šmathadzinnych debataŭ nie zdoleŭ nabrać kvorum u 80 čałaviek. Pravał niadzielnaha hałasavańnia ŭ adpaviednaści z Kanstytucyjaj zapatrabavaŭ by praviadzieńnia daterminovych parłamienckich vybaraŭ.
Asmani paabiacała być «prezidentam dla ŭsich» i ŭmacavać pravavuju dziaržavu. Jana časova vykonvała abaviazki prezidenta paśla sychodu abvinavačanaha ŭ vajennych złačynstvach Chašyma Tačy ŭ adstaŭku ŭ listapadzie 2020 hoda.
U 2008 hodzie Kosava ŭ adnabakovym paradku abjaviła pra niezaležnaść ad Sierbii. Urad u Białhradzie pa-raniejšamu ličyć Kosava adnoj sa svaich pravincyj. Krainy śvietu padzialilisia nakont pryznańnia rehijona.
-
U Irkuckaj vobłaści łabarantka navukovaha instytuta pamierła ad čumy. Ciapier horad na vušach
-
Hieraičny indyjski piłot Flydubai upieršyniu raskazaŭ, što adbyvałasia ŭ kabinie samalota na rejsie z Dubaja ŭ Tel-Aviŭ
-
Zialenski zajaviŭ, što Pucin zahadaŭ vajskoŭcam admovicca ad praviłaŭ viadzieńnia vajny padčas abstrełaŭ Ukrainy
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii3
Kamientary