Na redaktara «Inteks-Presa» skłali dva pratakoły za intervju ź Cichanoŭskaj, vyrašajecca pytańnie ab kryminalnaj spravie
Čatyry z pałovaj hadziny doŭžyłasia apytańnie hałoŭnaha redaktara baranavickaj niezaležnaj haziety Intex-press Uładzimira Janukieviča ŭ Baranavickim HAUS 21 krasavika. Składzienyja dva administracyjnyja pratakoły i pravodzicca pravierka ab raspačynańni kryminalnaj spravy. Pryčyna — intervju z eks-kandydatam u prezidenty Śviatłanaj Cichanoŭskaj, paviedamlaje BAŽ.
Uładzimiru Janukieviču prynieśli pozvu ŭ redakcyju 19 krasavika. Pa jakoj spravie, tam nie było paznačana. U milicyi vyśvietliłasia, što padstavaj pretenzij stała intervju sa Śviatłanaj Cichanoŭskaj, apublikavanaje ŭ numary haziety 14 krasavika i raźmieščanaje na sajcie vydańnia.
U suviazi z hetym milicyja skłała dva administracyjnyja pratakoły za parušeńnie zakanadaŭstva ab ŚMI pa č. 4 i č. 5 art. 23.5 KaAP — na jurydyčnuju asobu TAA «Vydaviecki dom «Inteks-pres» (Uładzimir Janukievič źjaŭlajecca dyrektaram hetaha pradpryjemstva) i na IP Janukievič, jaki vałodaje sajtam intech-press.by.
Bolš za toje, Uładzimir Janukievič daviedaŭsia, što pravodzicca pravierka i vyrašajecca pytańnie ab zaviadzieńni kryminalnaj spravy pa art. 361 KK RB («Zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś»).
Aŭtara artykuła Ludmiłu Ściacko taksama vyklikali 23 krasavika ŭ HUUS u jakaści śviedki. Pa jakoj spravie ŭ poźvie, što milicyjanty pieradali praz hałoŭnaha redaktara, nie paznačana. Vusna milicyjanty heta taksama nie rastłumačyli.
15 krasavika dyrektar Vydavieckaha doma «Inteks-pres», hałoŭny redaktar haziety Intex-press Uładzimir Janukievič užo atrymaŭ za intervju ź Cichanoŭskaj papiaredžańnie Baranavickaj mižrajonnaj prakuratury.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary