Śpiektakl pa ramanie Sašy Filipienki «Były syn» nie dazvolili ŭ Biełarusi, premjera adbudziecca ŭ Kijevie
Novy ŭdar cenzury pa kultury: upraŭleńnie kultury Minharvykankama nie vydała hastrolnaha paśviedčańnia dla śpiektakla Sučasnaha mastackaha teatra pa ramanie Sašy Filipienki «Były syn».
Saša Filipienka — rasijski piśmieńnik biełaruskaha pachodžańnia, žyvie ŭ Maskvie. Filipienka — adzin z samych vydavanych i pierakładanych sučasnych rasijskich piśmieńnikaŭ, maje ŭžo suśvietnaje imia, a «Były syn» — kniha, jakoj jon zdabyŭ viadomaść.
Zajaŭku na hastrolnaje paśviedčańnie — hety pieražytak tatalitarnych časoŭ, jaki nie isnuje ŭ jeŭrapiejskich krainach — teatra padavaŭ u śniežni, dahetul nie atrymaŭ jaho. Hienieralny prahon akciory repietavali na kvatery hałoŭnaha režysiora Uładzimira Vušakava, raskazaŭ jon «Narodnaj voli».
«Były syn» — kniha, napisanaja na biełaruskim materyjale.
Filipienka napisaŭ u siabie ŭ fejsbuku, što premjera śpiektakla adbudziecca ŭ Kijevie 19 maja.
U zamiežžy pracuje nad svajoj novaj knihaj i adzinaja biełaruska, uhanaravanaja Nobieleŭskaj premijaj, — Śviatłana Aleksijevič. A da niefarmalnaha «čornaha śpisu» zabaronienych muzykaŭ dadaŭsia «J-Mors», kancerty jakoha admianili ŭ Hrodzienskaj vobłaści.
Čytajcie taksama:
«U Rasii budzie adbyvacca katastrafičnaje». Saša Filipienka pryvioz syna ŭ Minsk i raskazvaje pra situacyju ŭ Maskvie i svaje ŭražańni ad radzimy
Andrej Makarevič, Parfionaŭ, Šaŭčuk, Volski, Dudzinski pračytajuć usłych raman biełaruskaha piśmieńnika
«Nie ŭjaŭlaju navahodni zvarot Łukašenki». Vialikaja hutarka ź piśmieńnikam Sašam Filipienkam
Saša Filipienka na ŭručeńni premii ŭ Maskvie havaryŭ pra źniavolenych biełarusaŭ
«450 vypadkaŭ katavańniaŭ»: piśmieńnik Saša Filipienka napisaŭ adkryŭ list Rene Fazelu
Minhandlu vypadkova źliło dakumient, u jakim pakazała, jak i za što naličvaje premii11
Kamientary