Ułaśniki kvater u «Paŭnočnym Bierazie» pačali atrymlivać rachunki — i ŭ šoku ad sum za padahreŭ vady
Za mienš čym 3 kuby haračaj vady minčanka atrymała rachunak na 104 rubli.
Pieršy rachunak šakavaŭ ułaśnicu
Žančyna ź minskaha kompleksu «Paŭnočny bierah» vykłała rachunak za vierasień na niežyłuju kvateru ŭ «Paŭnočnym Bierazie» z adnym zarehistravanym čałaviekam.
Ahulny rachunak z ulikam elektraenierhii skłaŭ 193 rubli. Pryčym 104 rubli ź ich iduć na padahreŭ vady. Što da abjomaŭ, to heta było 2,8 kuba.
Kamientatary pačali prapanoŭvać viersii, čamu tak adbyvajecca. «Pakul mała ludziej žyvie ŭ domie, uvieś padahreŭ vady apłačvajuć tyja, chto joj karystajecca», — piša adzin z karystalnikaŭ.
«Usio słušna: dziela vas niekalkich hrejecca ŭvieś kontur HVZ, i cyrkulacyja ŭsiaho doma pracuje. Tamu vydatak ciapła idzie niezaležna ad vydatkavanych kubamietraŭ pa ličylniku ŭ kvatery», — dadaje inšy.
«Haračaja vada ličycca nie tak. Treba hladzieć vydatki pa domie. Na vaš dom vydatkavana peŭnaja kolkaść Hkał. Zatym biaruć Hkał i dzielać na kuby vady, daviedajucca, kolki Hkał vydatkavana na 1 kubičny mietr. Chutčej za ŭsio, nie ŭsie žychary pakul padajuć źviestki pra spažyvańnie kuboŭ, tamu vam i vyjšła tak doraha», — razvažaje adna z žančyn.
Inšy čałaviek padaje prykład: kali dziaržava vydatkavała 100 rubloŭ na padahreŭ vady dla doma i pry hetym uvieś dom spažyŭ 5 kuboŭ, to adzin kub budzie kaštavać 20 rubloŭ. Tamu kali ŭ domie budzie bolš žycharoŭ, to ŭmoŭnyja 100 rubloŭ adpaviedna buduć raźmiarkoŭvacca na bolšy abjom vady.
Adkaz zabudoŭščyka
Na situacyju adreahavaŭ zabudoŭščyk.
«Ciepłavy vuzieł vašaha doma abstalavany hrupavym ciepłaličylnikam: jon uličvaje ciapło na aciapleńnie i padahreŭ vady, u tym liku recyrkulacyju HVZ», — prakamientavaŭ akaŭnt zabudoŭščyka, paćvierdziŭšy mierkavańnie, što vialiki rachunak za padahreŭ vady źviazany z tym, što dom jašče mała zasieleny.
«U aciaplalny pieryjad asnoŭnaja častka ciapła idzie na aciapleńnie, a na padahreŭ vady — tolki častka, jakaja vyznačajecca zakanadaŭstvam. Tamu raschod na padahreŭ 1 kub. m vady ŭ mižaciaplalny pieryjad moža adroźnivacca ad aciaplalnaha», — dadajecca ŭ adkazie.
Va ŭpraŭlajučaj kampanii patłumačyli, što na ŭvieś dom syšło 11 kuboŭ haračaj vady, a na jaje padahreŭ — 13,5 Hkał, tamu raźlik całkam słušny.
104 rubli — heta jašče nie šmat?
U kamientarach pad dopisam minčanki svaimi rachunkami pačali dzialicca inšyja haradžanie. Adna z ułaśnic kvatery ŭ «Paŭnočnym Bierazie» pakazała, što za žnivień zapłaciła 301 rubiel za padahreŭ vady.
Inšy mužčyna napisaŭ, što za žnivień spažyŭ u kvatery 6 kuboŭ haračaj vady i zapłaciŭ za ich 400 rubloŭ.
«U mianie było 467 rubloŭ. Nichto nie prapisany. Vadu źlivali dla pravierki kamunikacyj. Było kala 1,7 kuba», — padzialiłasia jašče adna karystalnica.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary