Zialenski: Praca Starlink pa-raniejšamu abmiežavanaja — tolki va Ukrainie, ale nie ŭ ES
Zaraz maksimalnaja chutkaść, pry jakoj Starlink praciahvaje pracavać, składaje 161 km/h.
Uładzimir Zialenski zajaviŭ, što terminały spadarožnikavaha internetu Starlink pa-raniejšamu pracujuć va Ukrainie z abmiežavańniami, i heta pieraškadžaje dziejańniam ukrainskich vajskoŭcaŭ, piša Bi-bi-si.
U subotu Zialenski, adkazvajučy na pytańni žurnalistaŭ, skazaŭ, što zaraz maksimalnaja chutkaść, pry jakoj Starlink praciahvaje pracavać, składaje 161 km/h.
«Paśla hetaha — pavodle dakładaŭ, jakija ja bačyŭ i čuŭ, — Starlink całkam adklučajecca, i my stračvajem dron», — skazaŭ Zialenski.
Jon dadaŭ, što praz takija abmiežavańni ŭkrainskija vajskoŭcy stracili mahčymaść pieradavać bajcam na pazicyjach ježu i vadu.
«Heta vielmi važna [u tych miescach], kudy nie moža prajści vajskoviec abo technika. Tam, dzie ŭźnikaje izalacyja praz kantrol z boku varožych dronaŭ», — skazaŭ Zialenski.
Pavodle jaho słoŭ, ułady Ukrainy pasprabavali pravieryć, ci ŭviedzieny takija ž abmiežavańni dla Starlink u ES.
«My adpravili niekalki mašyn z terminałami Starlink na terytoryju krain Jeŭrapiejskaha sajuza — i jany jechali z chutkaściu (tam, dzie heta dazvolena) bolš za 180 km/h, a Starlink pracavaŭ», — skazaŭ Zialenski.
«Vysnova nastupnaja: abmiežavańni dziejničajuć na terytoryi Ukrainy i nie dziejničajuć na terytoryi krain ES. Heta značyć, što heta spłanavanaja apieracyja», — zajaviŭ jon.
Raniej Bieły dom i ŭładalnik SpaceX admaŭlali, što prymali rašeńnie ab zapavoleńni pracy Starlink. Adnak, pavodle źviestak brytanskaj presy, hetaje rašeńnie Mask moh pryniać supolna z prezidentam ZŠA Donaldam Trampam.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ7
Kamientary