Ci dastatkova prosta spałasnuć butelku dla vady? Śpiecyjalisty tłumačać, čamu heta niebiaśpiečnaja zvyčka
Šmatrazovyja butelki dla vady stali zvykłaj rečču: ich biaruć na pracu, u spartzału i ŭ padarožžy. Adnak kali ich niapravilna myć, unutry mohuć razmnažacca bakteryi i hrybki. Ekśpierty tłumačać, čamu prostaha spałoskvańnia niedastatkova i jak pravilna dahladać butelku.
Navat kali ŭ butelku nalivajuć tolki zvyčajnuju vadu, jaje nieabchodna myć kožny dzień. Jak tłumačać ekśpierty niamieckaha Centra abarony pravoŭ spažyŭcoŭ ziamli Paŭnočny Rejn — Viestfalija ŭ kamientary Niamieckamu infarmacyjnamu ahienctvu (dpa), praz rot, ruki i pavietra ŭ jomistaść pastajanna traplajuć bakteryi, hrybki i droždžy.
U vilhotnym asiarodździ jany mohuć chutka razmnažacca i ŭtvarać bijaplonku — ustojlivy słoj mikraarhanizmaŭ na ŭnutranaj pavierchni butelki. Niekatoryja z hetych mikraarhanizmaŭ zdolnyja vyklikać straŭnikava-kišačnyja rasstrojstvy.
Asabliva šmat zabrudžvańniaŭ moža nazapašvacca ŭ miescach, jakija ciažka pramyć: na nosikach, uščylnialnikach i ŭ trubačkach dla pićcia. Tamu prosta spałasnuć butelku čystaj vadoj niedastatkova, bo takim čynam niemahčyma vydalić usie mikraarhanizmy.
Jak pravilna myć butelku
Ekśpierty rajać štodnia myć jomistaść haračaj vadoj sa srodkam dla myćcia posudu, vykarystoŭvajučy śpiecyjalny joršyk. Dla nosikaŭ, trubačak i inšych ciažkadastupnych detalaŭ mohuć spatrebicca maleńkija ščotki.
Paśla myćcia butelku treba staranna spałasnuć i całkam vysušyć. Lepš pastavić jaje ŭvierch dnom, kab reštki vady mahli ściačy. Kali ŭnutry zastajecca vilhać, mikraarhanizmy mohuć praciahvać razmnažacca.
Tabletki dla čystki i pasudamyjnaja mašyna
Dla dadatkovaj ačystki možna vykarystoŭvać śpiecyjalnyja tabletki, padobnyja da srodkaŭ dla čystki zubnych pratezaŭ. Jany dapamahajuć razburać bijaplonku i abałonki bakteryj. Adnak paśla ich vykarystańnia butelku ŭsio roŭna nieabchodna pačyścić joršykam i dobra pramyć.
A voś śpiecyjalnyja šaryki dla čystki, jakija treba treści ŭnutry jomistaści, mienš efiektyŭnyja. Jany mohuć vydalać nalot sa ścienak, ale nie zabiaśpiečvajuć naležnaj ačystki nosikaŭ, trubačak i ŭščylnialnikaŭ.
Butelku taksama možna myć u pasudamyjnaj mašynie, kali heta dazvalaje vytvorca. Pry hetym adtulina pavinna być dastatkova šyrokaj, kab vada dobra traplała ŭnutr. Ekśpiery rekamiendujuć raźmiaščać jomistaść uvierch dnom u nižnim košyku, dzie strumień vady macniejšy. Zdymnyja detali varta myć asobna.
Kali butelku lepš zamianić
U šmatrazovych butelek niama stroha vyznačanaha terminu vykarystańnia. Ekśpierty rajać aryjentavacca na ich stan: kali na pavierchni źjavilisia drapiny, raskoliny abo inšyja paškodžańni, u ich lahčej nazapašvajucca mikraarhanizmy, jakija składana vydalić padčas myćcia. Tamu mocna znošanuju jomistaść lepš bolš nie vykarystoŭvać.
Zamianić butelku varta i tady, kali navat paśla starannaj ačystki zastajucca niepryjemny pach abo nalot, jaki nie ŭdajecca vydalić.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje19
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju44
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju4
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
dla jakich vaša "vsio charašo priekrasnaja markiza" - heta pytańnie na $miljardy.
A "niezaležnych daśledvalnikaŭ" im *dla vas* arhanizavać amal ničoha nie kaštuje.
.
a nakont myjučych srodkaŭ - pačytajcie što-niebudź, naprykład, pra pryčyny piermanientnaha pavieličeńnia % alerhikaŭ