Lidary Jeŭrasajuza nie zaklikali prezidenta Ukrainy Uładzimira Zialenskaha źmiakčyć krytyku na adras prezidenta ZŠA Donalda Trampa. Pra heta paviedamlaje Politico sa spasyłkaj na jeŭrapiejskich dypłamataŭ, znajomych ź situacyjaj.
Raniej Financial Times pisała, što padčas sustrečy ź Zialenskim 16 kastryčnika jeŭrapiejskija lidary nibyta źbiralisia ŭ spačuvalnaj, ale ćviordaj formie paprasić jaho strymać krytyku na adras Trampa. Adnak surazmoŭcy Politico śćviardžajuć, što nijakaha cisku na ŭkrainskaha prezidenta z boku kiraŭnikoŭ ES hetym razam nie było.
«Čaho vy ad jaho čakajecie? Jon u adčai, i situacyja žachlivaja», — prakamientavaŭ adzin z dypłamataŭ.
Sam Zialenski padčas pres-bryfinhu ŭ Brusieli zajaviŭ, što ad jeŭrapiejskich sajuźnikaŭ čuŭ tolki słovy padtrymki ŭ suviazi z reakcyjaj Kijeva na apošnija dziejańni i zajavy ZŠA.
Niekalki dzion tamu ŭ intervju Financial Times ukrainski prezident skazaŭ, što adčuvaje siabie «zdradžanym» praz pahadnieńnie ZŠA z Rasijaj u śfiery pastavak dyzielnaha paliva i abvieščanaje Trampam «enierhietyčnaje pieramirje». Zialenski taksama zajaviŭ, što Ukraina, na jaho dumku, hublaje ZŠA jak sajuźnika, i zaklikaŭ Vašynhton zastavacca pasiarednikam u rasijska-ŭkrainskaj vajnie.
«Kali ty pasiarednik, to pavinien zastavacca pasiaredzinie, a nie stanavicca na niapravilny bok. Ja liču, što jaho daradcy pamylajucca. Nie viedaju, chto padšturchoŭvaje jaho ŭ niapravilnym kirunku. Heta nie toj bok historyi, jaki źjaŭlajecca pravilnym», — zajaviŭ ukrainski prezident.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary