Rasijanie zdymali ŭ Minsku sieryjał pra chakiej — vydali stalicu Biełarusi za Vałhahrad i Samaru
U Rasii vyjšaŭ sieryjał «Siomy hulec» pra składany šlach tamtejšaha chakiejnaha kłuba. U hałoŭnaj roli — zorka jutuba Anton Łapienka, a pad vidam rasijskich haradoŭ hledaču pradajuć paznavalnyja minskija łakacyi. Sam sieryjał padazrona nahadvaje papularnuju kamiedyju «Ted Łasa».
Stryminhavy servis «Kinapošuk» prezientavaŭ bujny sieryjał, jaki ruskija kinošniki rabili razam ź biełarusami. «Siomy hulec» raskazvaje pra chakiejny kłub «Budaŭnik» z Vałhahrada, jaki pieražyvaje kryzis i ledź nie dažyvaje apošnija dni. Kab uratavać jaho, kličuć treniera pa fihurnym katańni, ź jakoha robiać dyrektara kłuba — tuju hałoŭnuju rol addali rasijskaj zorcy Antonu Łapienku.
Biełarusy pabačać u sieryjale šmat znajomych miaścin, bo ŭ Minsku zdymali bolšaść naturnych epizodaŭ prajekta — dziejańnie ŭ ich adbyvajecca ŭ Vałhahradzie i Samary. Voś, naprykład, «Minsk-Arena»:
A heta — vid na minskija dachi la płoščy Svabody:
Hety ž kadr nahadvaje znakamity Čyrvony dvoryk u Minsku — niedaloka ad jaho jakraz bačyli zdymačnuju hrupu «Siomaha hulca»:
Sieryjał, darečy, možna hladzieć u biełaruskaj ahučcy.
«Siomaha hulca» paraŭnoŭvajuć z papularnym amierykanskim sieryjałam «Ted Łasa» — heta taksama historyja pra toje, jak trenier ratuje kryzisny spartyŭny kłub, a jaho śpiecyjalizacyja nie zusim adpaviadaje novaj pracy (Ted Łasa, jakoha prystavili da brytanskaj futbolnaj kamandy, raniej byŭ trenieram pa amierykanskim futbole).
«Naša Niva» — bastyjon biełaruščyny
PADTRYMAĆU Rasii źniali šalona papularny sieryjał pra jadziernyja vučeńni, u jakich udzielničali biełarusy. Voś što nie tak z «Paŭraspadam»
Akcior, što syhraŭ Kupału ŭ adnajmiennaj stužcy «Biełaruśfilma», vyjhraŭ hran-pry i $450 tysiač na fiestyvali ŭ Kazachstanie
Ziendeja — spartyŭny čałaviek? U dziacinstvie zorka «Čałavieka-pavuka» i «Dziuny» zajmałasia «sokieram» i baskietbołam
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary
Kinošniki iŝut podchodiaŝuju naturu i hdie diešievle śniať. Iz Moskvy do Minska bližie, čiem do Samary. A pierievoziť ohromnuju sjomočnuju hruppu i kuču oborudovanija doroho stoit.