Šykoŭny hatel u Minsku prapanoŭvaje imiersiŭnuju viačeru sa staražytnymi biełaruskimi stravami — jak heta vyhladaje?
Stoł, za jakim siadziać hości, pieratvarajecca ŭ ekran — i ŭ čakańni viačery možna nazirać, jak biełaruski kuchar razam z busłam dy zubram hatujuć ježu. «Nie pakazvajcie turystam, treba spačatku biełarusam schadzić», — žartujuć naviedvalniki.
Błohier Kakabaj schadziŭ na pieršuju ŭ Biełarusi imiersiŭnuju viačeru sa stravami staražytnaj biełaruskaj kuchni. Takaja niezvyčajnaja prapanova źjaviłasia ŭ restaranie The Refectory — jon znachodzicca ŭ hateli The Basilian Minsk (toj adnosicca da sietki Hilton).
Fiška ŭ tym, što ŭ ciomnaj zali kožny stolik pieratvarajecca ŭ ekran — mulciašnyja piersanažy byccam by źbirajuć nieabchodnyja dla viačery inhredyjenty, hatujuć stravy i dastaŭlajuć ježu. Zalipajuć na taki mulcik navat darosłyja.
U mieniu piać straŭ nacyjanalnaj kuchni — jość draniki (kudy ž bieź ich?) sa śmiatanaj i jałavičynaj pad jahadnym sousam, kaša na biarozavym soku z hrybami, buterbrod z hrudzinkaj i słaba salonym hurkom…
A kab atrymaŭsia desiert, treba spačatku razmalavać interaktyŭnuju vyjavu śpiecyjalnymi charčovymi fłamastarami — i atrymajucca dźmuchaŭcy, da jakich padajuć vareńnie ź dźmuchaŭcoŭ. Adzinaje pytańnie, jak u skład byccam by biełaruskaha prysmaka trapiŭ kakos.
Stolik braniravać treba zahadzia. A kaštuje takaja viačera 220 rubloŭ.
Kamientary