Sud Kazani abraŭ źniavoleńnie pad vartu terminam na dva miesiacy ŭ jakaści miery strymańnia dla 19-hadovaha Ilnaza Halavijeva, jaki rasstralaŭ dzieviać čałaviek u kazanskaj škole № 175, paviedamlaje RBK.
U zale suda Halavijeva źmiaścili ŭ kulenieprabivalny boks, razam ź im unutry znachodzilisia troje kanvairaŭ. Na pytańni žurnalistaŭ jon nie reahavaŭ, ale spakojna adkazvaŭ na ŭsie pytańni sudździ. Na pytańnie, ci jość u jaho ciažkija zachvorvańni dy invalidnaść, jon adkazaŭ: «Nie».
Śledčy paviedamiŭ, što ŭ škole Halavijeŭ ździejśniŭ nie mienš za 17 strełaŭ. Taksama jon ustalavaŭ načynienuju paražalnymi elemientami bombu na pieršym paviersie himnazii, kala ŭvachodu ŭ kabiniet pačatkovaha kłasa anhlijskaj movy, i padarvaŭ jaje. Vinu ŭ zabojstvach strełak całkam pryznaŭ.
«Maralnaha prava dla abrańnia inšaj miery strymańnia, akramia zaklučeńnie pad vartu, niama», — paličyŭ prakuror. Advakat Halavijeva, pradstaŭleny jamu dziaržavaj, taksama nazvaŭ chadajnictva zdavalniajučym.
Namieśnik prakurora Tatarstana Alaksiej Zaika paśla pasiadžeńnia paviedamiŭ, što saŭdzielnikaŭ u Halavijeva nie było.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik50
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1515
Kamientary