U Varšavie zamiežnikaŭ praviarali «patrulnyja» ŭ formie, jakija nie majuć dačynieńnia da dziaržaŭnych orhanaŭ
Spravaj užo zaniałasia varšaŭskaja palicyja.
Na Centralnym vakzale Varšavy zaŭvažyli patrulnych u formie, jakaja nahadvaje vajskovuju, jakija spyniali zamiežnikaŭ i sprabavali vyśvietlić, chto jany. Adnak jany nie majuć dačynieńnia ni da siłavych struktur, ni da inšych dziaržaŭnych orhanaŭ, piša Most.
Vypadak atrymaŭ šyroki rezanans paśla taho, jak u internecie razyšłosia videa, dzie patrul padychodzić da smuhlavych ludziej. Ciapier spravaj zajmajecca palicyja.
Sudziačy pa našyŭcy BPG na rukavie, patrulnyja pradstaŭlajuć pravuju hrupu «Abaronim polskuju miažu» (Bronimy Polskiej Granicy). Na jaje sajcie mety apisvajucca, u tym liku, jak supraćdziejańnie tamu, «kab našy kaštoŭnaści i naša viera razburylisia i byli źniavažanyja».
Vyhlad udzielnikaŭ hrupy nahadvaje toje, jak mahli b vyhladać pradstaŭniki jakoj-niebudź siłavoj struktury: forma, pa kolery padobnaja da vajskovaj, našyŭki na rukavach z abrevijaturaj inicyjatyvy, polskim ściaham i arłom.
Ale nijakaj dziaržaŭnaj struktury jany nie pradstaŭlajuć. A našyŭku z abrevijaturaj hrupy na jaje sajcie možna było svabodna nabyć za 32 złotyja — ciapier tam paznačana, što tavar raspradadzieny.
«Niama i nie budzie nijakaj zhody na toje, kab jakija-niebudź asoby vydavali siabie za supracoŭnikaŭ pravaachoŭnych orhanaŭ, praviarali dakumienty hramadzian abo imitavali pradstaŭnikoŭ siłavych struktur. Takija pavodziny niedapuščalnyja ŭ pravavoj dziaržavie», — napisała ŭ sacsietcy X Karalina Haleckaja, pres-sakratar, dyrektar departamienta kamunikacyi MUS.
Jana dadała, što pavodle art. 227 Kryminalnaha kodeksa vydavańnie siabie za słužbovuju asobu źjaŭlajecca złačynstvam.
«Padobnyja dziejańni pryvodziać da eskałacyi strachu i sacyjalnaj napružanaści, a taksama surjozna padryvajuć davier hramadzian da palicyi i inšych siłavych struktur», — patłumačyła jana.
-
Što z vyjezdam ź Biełarusi ŭ ES hetym letam?
-
Vice-hubiernatar Homielščyny pra incydent pad Branskam: Pieravozčyki vybrali niebiaśpiečny maršrut praktyčna ŭ pryfrantavoj zonie
-
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary