«Nieprymalnyja i hłyboka tryvožnyja słovy». MZS Izraila vydała pratest u suviazi z vykazvańniami Łukašenki
Ministerstva zamiežnych spraŭ Izraila ŭ svaim aficyjnym akaŭncie ŭ sacsietcy X adreahavała na vykazvańni Alaksandra Łukašenki ŭ intervju telekanału Al Arabiya, jakija byli rascenienyja ŭ jaŭrejskaj dziaržavie jak antysiemickija.
«Hetyja zaŭvahi, zroblenyja prezidentam Biełarusi — krainy, jakaja zanadta dobra viedaje žachi Chałakostu, ździejśnienaha na jaje ŭłasnaj ziamli, — u jaho intervju telekanału Al Arabiya, źjaŭlajucca nieprymalnymi i hłyboka tryvožnymi.
Lubyja paraŭnańni pamiž Chałakostam jaŭrejskaha naroda i spraviadlivaj vajnoj Izraila suprać teraryzmu pavinny być kateharyčna adchilenyja.
Hetak ža žachaje i adradžeńnie miarzotnych, sastarełych antysiemickich teoryj zmovy, jakija daŭno pavinny byli adyści ŭ historyju», — havorycca ŭ zajavie izrailskaha MZS.
Pierad hetym Alaksandr Łukašenka ŭ intervju telekanału Al Arabiya zajaviŭ, što Izrailu varta być bolš aściarožnym u svaich dziejańniach u kantekście ciapierašniaha kanfliktu na Blizkim Uschodzie.
Jon taksama raskrytykavaŭ dziejańni Izraila ŭ siektary Haza, zajaviŭšy, što masavyja achviary siarod mirnaha nasielnictva, u tym liku žančyn i dziaciej, niehatyŭna paŭpłyvali na staŭleńnie da Izraila ŭ śviecie.
«Tamu tut treba Izrailu być akuratniejšymi, aściarožniejšymi. Jany ŭžo i tak u suśvietnaj supolnaści atrymali taki rejtynh, što dalej niama kudy, razbambiŭšy Hazu. Navat u historyju mnohija pahladzieli: «Jaki Chałakost?! Jaki moža być Chałakost, pra jaki izrailcianie kazali, kali jany zabili stolki ludziej, i pierš za ŭsio žančyn i dziaciej? — adznačyŭ Łukašenka. — Tam naohuł usio ścierli z tvaru ziamli. Jakiści kurort źbirajucca na kaściach ludziej pabudavać. Heta ž hłupstva poŭnaje».
Na zakančeńnie tyrady Łukašenka paraiŭ izrailskamu kiraŭnictvu «ŭziać hałavu ŭ ruki» i zadumacca pra budučyniu svajoj dziaržavy. Pavodle jaho słoŭ, dalejšaja eskałacyja kanfliktu moža pryvieści da ciažkich nastupstvaŭ, i navat najaŭnaść jadziernaj zbroi nie harantuje biaśpieki krainy.
Taksama jon zhadaŭ Izrail, zhadvajučy pra pačatkovy etap raźviazanaj Rasijaj pry svajoj ŭłasnaj padtrymcy poŭnamaštabnaj vajny va Ukrainie. Jon abvinavaciŭ jaŭrejskuju dziaržavu ŭ tym, što jana, maŭlaŭ, razam z Vatykanam u toj čas pieraškodziła dasiahnieńniu miru, na jaki byŭ nibyta hatovy pajści Pucin, ale jaho padmanuli:
«Čarhovy raz, napeŭna, — ja viedaju — hetyja siły padmanuli. Heta byŭ Vatykan. I, što dziŭna, jaŭrejskaje łobi, izrailcianie. Jany ad imia Zialenskaha zajaŭlali: usio, idziom na mir, zhadžajemsia. Nu i inšyja».
Jarasłaŭ Čarnahor pra intervju Łukašenki: Uvažliva słuchajem, ale absalutna nie daviarajem jaho słovam
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka ŭpieršyniu zaklikaŭ i Rasiju «pajści na kampramis»
Łukašenka paprasiŭ prabačeńnia ŭ Zialenskaha
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
Łukašenka pryznaŭ, što Rasija va Ukrainie nie dasiahnuła metaŭ. Patłumačyŭ heta tym, što Pucina padmanuli Vatykan i jaŭrejskaje łobi
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary