Špitalizavanyja 8 pasažyraŭ aŭtobusa, jaki paciarpieŭ u Branskaj vobłaści. Šaściora ź ich — dzieci
Ministr achovy zdaroŭja Biełarusi Alaksandr Chadžajeŭ paviedamiŭ, što paśla trahiedyi ŭ Branskaj vobłaści Rasii, dzie ŭ vyniku ataki bieśpiłotnika byŭ paškodžany aŭtobus z hramadzianami Biełarusi, u rehijon nakiravanyja biełaruskija miedycynskija śpiecyjalisty respublikanskaha ŭzroŭniu.
Pa słovach Chadžajeva, u aŭtobusie znachodzilisia biełaruskija hramadzianie, u tym liku niepaŭnaletnija.
U vyniku zdareńnia adzin čałaviek zahinuŭ. Jašče vosiem čałaviek atrymali traŭmy roznaj stupieni ciažkaści, siarod ich šaściora dziaciej. Paciarpiełyja znachodziacca ŭ niekalkich miedycynskich ustanovach Branskaj vobłaści.
Paviedamlajecca, što dla arhanizacyi dapamohi byŭ naładžany niepasredny kantakt pamiž ministerstvami achovy zdaroŭja Biełarusi i Rasii. Taksama biełaruski bok padtrymlivaje suviaź z departamientam achovy zdaroŭja Branskaj vobłaści, kab apieratyŭna atrymlivać infarmacyju pra stan paciarpiełych.
Biełaruś nakiravała ŭ Bransk try reanimacyjnyja bryhady, u skład jakich uvachodziać 11 śpiecyjalistaŭ roznych profilaŭ. Jany pavinny supolna z rasijskimi miedykami acanić stan hramadzian Biełarusi i vyznačyć, ci mahčyma ich transpartavańnie na radzimu dla dalejšaha lačeńnia.
Akramia taho, ź Minska byli nakiravanyja aniestezijołahi-reanimatołahi, dziciačyja chirurhi i supracoŭniki Respublikanskaha centra ahniastrelnaj traŭmy. Kiruje biełaruskaj miedycynskaj hrupaj pieršaja namieśnica ministra achovy zdaroŭja Alena Bohdan.
Paviedamlajecca taksama, što dla akazańnia dapamohi paciarpiełym u Bransk prybyła dadatkovaja miedycynskaja bryhada z Maskvy.
Na vypadak, kali budzie pryniata rašeńnie ab pieravozcy paciarpiełych u Biełaruś, užo padrychtavany viertalot miedycynskaj słužby, jaki hatovy vykanać takuju zadaču.
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
«Infarmacyjnaja pravakacyja Kramla». Va Ukrainie prakamientavali ŭdar pa biełaruskim aŭtobusie ź dziećmi
Stała viadoma imia žančyny, što zahinuła pra atacy drona na aŭtobus ź dziećmi-futbalistami ŭ Branskaj vobłaści
Homielskaja fiederacyja futbołu pra vypadak z aŭtobusam u Branskaj vobłaści: Zvyčajna ŭ ich byŭ inšy maršrut
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu
Adno dzicia, što trapiła pad abstreł u Branskaj vobłaści, znachodzicca ŭ ciažkim stanie
Kamientary