Uviečary 16 červienia ŭ sacyjalnych sietkach pačali źjaŭlacca paviedamleńni pra adsutnaść vady ŭ šerahu rajonaŭ horada. U kahości źnikli i haračaja, i chałodnaja vada, u inšych — tolki adna ź ich, a niechta sutyknuŭsia z mocnym padzieńniem naporu. U asobnych dvarach kamunalnikam daviałosia arhanizavać padvoz vady ŭ cysternach, piša «Minskaja praŭda».
Niekatoryja haradžanie padumali, što heta źviazana z płanavym adklučeńniem vady (pieršaja čarha jakoha była pryznačana na ranicu 17 červienia), maŭlaŭ, kamunalnyja słužby pačali pracy zahadzia.
Adnak heta nie tak, bo vada źnikła navat pa tych adrasach (naprykład, u asobnych damach na vulicach Maładziožnaja i Bahamołava), jakija naohuł nie ŭvachodzili ŭ pieršy etap adklučeńniaŭ.
U dyśpietčarskaj słužbie 115 situacyju nie prajaśnili. Tam paviedamili tolki toje, što ŭ horadzie «adbyłasia pazaštatnaja situacyja pa linii «Salihorskvodakanała».
Kamientary