Bolš za hod Siarhiej Cichanoŭski znachodzicca za kratami. Jon jašče paśpieŭ ubačyć čerhi ludziej, jakija stavili podpisy za vyłučeńnie jaho žonki na vybarach, ale nie bačyŭ sotni tysiač biełarusaŭ, jakija dzień za dniom vychodzili na mirny pratest suprać iłžyvych vybaraŭ i hvałtu. Amal uvieś hety termin jon byŭ u kamiery-adzinočcy. Ale nie zhubiŭ vieru ŭ toje, što pieramieny ŭ Biełarusi niepaźbiežnyja.
Ciapier Siarhiej u Homielskim SIZA, dzie ŭ zakrytym režymie prachodzić sud.
«Praź niežadańnie rasstacca z uładaj u Biełarusi całkam razhromlena svaboda vykazvać svajo mierkavańnie, svaboda schodaŭ, svaboda atrymlivać i raspaŭsiudžvać infarmacyju, stračany niezaležnyja ŚMI, pravaabarončyja arhanizacyi, zakonnaść i davier da pravaachoŭčaj i sudovaj sistem, — kaža Cichanoŭski z-za krataŭ. — Ale biełarusy zdabyli salidarnaść i ŭpieršyniu adčuli siabie nacyjaj, ubačyli vielizarnuju padtrymku za miažoj. Pa sutnaści, idzie ahulnapłanietarnaja rekłamnaja kampanija Biełarusi. Paśla pieramohi demakratyi, jakaja niepaźbiežnaja, my zmožam hetuju suśvietnuju viadomaść vykarystoŭvać dla dynamičnaha raźvićcia dziaržavy, kažu heta jak rekłamščyk z 15-hadovym stažam. Idzicie da pieramohi!»
Pasłańnie z-za krataŭ da hadaviny vybaraŭ pieradaje i Viktar Babaryka, jon užo adbyvaje termin u kałonii ŭ Navapołacku. Jak prachodziŭ pratest, Viktar daviedvaŭsia ad svaich advakataŭ, z navinaŭ na TB, jakija treba było ŭsprymać naadvarot, i, kaniešnie, pa sihnałach aŭtamabilaŭ, jakija čuli ŭ SIZA KDB.
«Ja nikoli nie chacieŭ zastacca i žyć u Biełarusi tak, jak chaču hetaha zaraz, — kaža palitviazień. — I choć z 18 červienia minułaha hoda [dzień, kali jaho zatrymali siłaviki] ja nie bačyŭ krainy, razumieju: vobraz budučaj Biełarusi, jaki jość u mianie ŭ hałavie, padzialaje vielmi šmat ludziej».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam11
Kamientary