Na biełaruskija ekrany viarnułasia intelektualnaja hulnia «Brejn-rynh»
Pieršaja prahrama vyjšła na ANT u minułuju niadzielu.
Šou, jak i 10 hadoŭ tamu, viadzie Leanid Kupryda. U hetym siezonie budzie razyhryvacca moładzievy kubak ANT.
U pieršaj hulni brali ŭdzieł kamandy: kamanda Salihorska, kamanda Homielskaha dziaržaŭnaha ŭniviersiteta, kamanda Minskaha dziaržaŭnaha pałaca dziaciej i moładzi, kamanda ahraekaturysckaha kompleksu «Bieły łoś» z Łahojska.
Pieršy vypusk «Brejn-rynhu» vyjšaŭ u efir 18 maja 1990 hoda na Pieršaj prahramie Centralnaha telebačańnia SSSR. Ideja intelektualnaj hulni — anałaha «Što? Dzie? Kali?», ale ź dźviuma kamandami znaŭcaŭ pa šeść čałaviek u kamandzie, — naradziłasia ŭ aŭtara «Što? Dzie? Kali?» Uładzimira Varašyłava.
Aŭtaram i režysioram-pastanaŭščykam byŭ Barys Kruk, jaki zaraz viadzie maskoŭskaje «Što? Dzie? Kali?», a Uładzimir Varašyłaŭ pravioŭ pieršy cykł ź siami pieradač. Potym u Maskvie šou vioŭ Andrej Kazłoŭ.
U hulni ŭdzielničajuć dźvie kamandy pa šeść čałaviek, pieršapačatkova na abmierkavańnie pytańnia davałasia chvilina — 60 siekund. Paźniej hety čas skaracili da 20 siekund.
Ale vielmi časta adkaz dajecca imhnienna, hałoŭnaje — pieršym nacisnuć na knopku.
Jak i «Što? Dzie? Kali?», «Brejn-rynh» nie tolki hulali na telebačańni, ale i jak spartyŭny varyjant, to-bok u intelektualnych kłubach u roznych krainach i haradach, u tym liku ŭ Biełarusi. U Minsku, naprykład, ź siaredziny 1990-ch.
Na biełaruskim telebačańni «Brejn-rynh» upieršyniu vyjšaŭ u 2010 hodzie. Jon pakazvaŭsia na ANT i viadučym byŭ Leanid Kupryda.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Z.y. Prapanuju ŭsich u zdradniki zapisać avansam i praz kamisiju (pa pamiłavańni, zamiest Švieda možna sp. Tamaša pastavić) adsiejvać, chto bolšy zdradnik, chto mieńšy. Nu, jak bulbu pierabirać - raźbiareciesia.)