Pakul siadzieŭ, pastavili prahuł. Zvolnili dacenta Połackaha ŭniviersiteta, jaki pracavaŭ tam 14 hod
Kandydata histaryčnych navuk Viktara Jakubava zvolnili z Połackaha dziaržaŭnaha ŭniviersiteta za toje, što siadzieŭ na sutkach. U hety čas jamu pastavili prahuł.
«Zvolnieny za toje, što mieŭ prahuł na pracy z 2 da 15 vieraśnia, pakolki adbyvaŭ administracyjny aryšt u navapołackim CIPie, —
tłumačyć dacent (jamu dali 15 sutak za reposty materyjałaŭ telekanała, pryznanaha ekstremisckim). — Tak zapisana ŭ pracoŭnaj knižcy. Na piśmovuju prośbu dać mnie adhuł za svoj košt, pa niezaležnych ad mianie abstavinach, novapryznačany rektar pastaviŭ rezalucyju — «piareču».
Rektar u Połackim univiersitecie źmianiŭsia ŭ sakaviku — im staŭ sienatar Aleh Ramanaŭ.
Raniej Viktara Jakubava dvojčy zatrymlivali — za ŭdzieł u akcyjach dali pa 15 sutak (ahułam, atrymlivajecca, jon pravioŭ za kratami 45 sutak). Ale tady vykładčyka nie zvolnili.
«Sam ździviŭsia. Tady pa Pracoŭnym kodeksie administratyŭka ličyłasia abstavinami niepieraadolnaha charaktaru. Kaniečnie, mianie pažuryli, dali vymovu, ale z vosieni ja nie ŭdzielničaŭ u masavych mierapryjemstvach, tamu farmalna administracyja mianie nie čapała».
Jakubaŭ sam vypusknik PDU. Pracavaŭ tut z 2007 hoda. Stažyravaŭsia va ŭniviersitetach Polščy, Rasii, Vienhryi.
«Ja patryjot univiersiteta, šmat rabiŭ dla jaho raźvićcia. Razam ź siabrami adkryŭ śpiecyjalnaść «sacyjalnyja kamunikacyi», — dzielicca jon.
Prapanoŭ ab novaj pracy ŭ historyka pakul niama. Kaža, hatovy razhladać roznyja varyjanty.
«Niechta hublaje, niechta znachodzić. U biełarusaŭ niama kamandy «nazad», my razvaročvajemsia i «napierad»!» — napisaŭ Viktar u fejsbuku.
Novyja praviły ŭ Pracoŭnym kodeksie pačali dziejničać z 30 červienia. U artykule 42 prapisali dadatkovyja padstavy dla zvalnieńnia rabotnika pa inicyjatyvie najmalnika.
Siarod ich — adsutnaść na pracy ŭ suviazi z administracyjnym aryštam, udzieł u niezakonnaj zabastoŭcy ci prymus da hetaha kaleh.
Kamientary