Siezon harbuza doŭžycca ŭsiu vosień. Z hetaj sadaviny pryniata rabić supy, zapiakanki i piure, adnak siońnia my prapanujem vam vypiečku z harbuza. Harbuzovy čyzkiejk stanie cudoŭnaj nahodaj dla čajapićcia chałodnym vosieńskim viečaram.
Fota BBC Food.
Kab zrabić harbuzovy čyzkiejk, vam spatrebicca:
- 225 hram piasočnaha piačeńnia ci krekieraŭ
- 60 hram ślivačnaha masła
- sok i cedra adnaho limona
- 340 hram miakaci harbuza (tušanaj na pary abo zapiečanaj)
- 225 hram cukra
- 450 hram ślivačnaha syra
- 1 čajnaja łyžka mołataj karycy
- 2,5 hram ci pałova čajnaj łyžki mołataha muskatnaha arecha
- 4 jajki
- 90 mł hustych ślivak (33-38%)
- 90 mł naturalnaha johurta
- Razahrejcie duchoŭku da 170 hradusaŭ.
- Całkam raskryšycie piačeńnie. Rastapicie masła na pavolnym ahni ci na nizkaj mahutnaści ŭ mikrachvaloŭcy. Źmiašajcie piačeńnie, masła i cedru.
- Vaźmicie formu dla vypiečki dyjamietram 25 sm z zdymnym dnom, zmažcie jaje ślivačnym masłam. Raźmiaścicie na dnie i ścienkach formy sumieś z punkta 2 — heta budzie asnova čyzkiejka. Trochi prydavicie jaje.
- Źmiešvajcie ślivačny syr, miakać harbuza, cukar, karycu i muskatny arech, pakul u sumiesi nie źniknuć kamiački. Dadajcie ŭ sumieś jajki, aściarožna pieramiašajcie, pakul sumieś nie stanie adnarodnaj. Raźmiaścicie sumieś u formie źvierchu asnovy dla čyzkiejka i zapiakajcie budučy desiert na praciahu 90 chvilin. Čyzkiejk budzie hatovy, kali jaho vierch zastynie, ale pry hetym unutry jon pavinien zastavacca trochi miahkim.
- Dastańcie čyzkiejk z duchoŭki i pakińcie jaho ŭ formie, pakul piroh nie astynie. Potym pieramiaścicie čyzkiejk na talerku dla sierviroŭki, pakryjcie jaho charčovaj plonkaj i pakińcie na noč.
- Uźbivajcie viarški, pakul jany nie zahuściejuć. Pastupova dadavajcie johurt i sok limona, aściarožna ŭsio pieramiašajcie. Upryhožcie kremam čyzkiejk i padavajcie jaho pry chatniaj tempieratury.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha5
Kamientary