Maci zatrymanaha pres-sakratara A1 Mikałaja Bredzieleva: «Mnie pišuć šmat słovaŭ padtrymki»
10 śniežnia zatrymali kiraŭnika ŭpraŭleńnia suviaziaŭ z hramadskaściu kampanii A1 Mikałaja Bredzieleva. Taćciana Bredzieleva, maci Mikałaja, asoba viadomaja — jana pieramožca konkursu Ms. Top Of The World. Jana była najlepšaj u katehoryi Classic, dzie spaborničali ŭdzielnicy starejšyja za 46 hadoŭ.
Taćciana dała karotki kamientaryj «Našaj Nivie»:
«Čamu pryjšli da majho syna, ja nie viedaju. Usio było narmalna, usio dobra, nie było niaikich pradpasyłak.
Pakul što taksama niama infarmacyi, ci zaviedzienaja na jaho niejkaja kryminałka. Čamu jaho vinavaciać u niejkich źlivach, ja taksama nie viedaju — heta pakul usio hałasłoŭnyja zajavy
Pakul što Mikałaja asudzili na 15 sutak.
Što tyčycca jaho aryjentacyi, ja pra ŭsio heta viedała. Ja narmalna heta ŭsio pryniała, usio było dobra. I ja liču, što pryvatnaje žyćcio čałavieka nielha vynosić na publiku, heta prosta niepryhoža. Hetaha prosta nielha rabić.
Što pišuć pra majho syna ŭ praŭładnych kanałach, ja nie čytała. Mnie ŭsie kažuć: «Tabie prosta nielha heta čytać. Navošta hety brud?»
Taksama mnie šmat pišuć słovaŭ padtrymki, pišuć słovy padtrymki synu, prapanujuć dapamohu. Ale ja pakul nie viedaju, što rabić dalej i jakaja dapamoha patrebnaja. Mnie vielmi kiepska — heta fakt, bolš ničoha nie mahu skazać».
Kamientary