Brend Hvilina vypuściŭ hadzińniki z nacyjanalnym kałarytam
Kampanija Hvilina razam ź biełaruskaj mastačkaj Lizavietaj Čyrvoncavaj pradstaviła kalekcyju Wycinanka, natchnionuju čaraŭnictvam narodnaha falkłoru, samabytnaściu biełaruskaj kultury i mifałahičnymi matyvami.
Za asnovu kalekcyi byli ŭziatyja try tvory mastački «Dreva žyćcia z aleniami», «Paparać-kvietka», «Ludzi i dreva», piša Onliner.by.
«Dla mianie vycinanka — heta praciah majoj siamiejnaj tradycyi, raźvićcio Maładziečanskaj škoły vycinanki. Sučasnaja biełaruskaja vycinanka abjadnoŭvaje ŭ sabie tradycyjnuju falkłornuju formu i prafiesijnaje stankovaje mastactva. Adroźnivajecca vyraznaściu kampazicyi i stylizacyi vobrazaŭ, łakanizmam formaŭ i siłuetaŭ. U biełaruskaj vycinancy dasiahajecca harmonija arnamientalnych ažurnych elemientaŭ i siłuetaŭ», — adznačyła mastačka.
Cana hadzińnikaŭ — 229 rubloŭ.
Kamientary