Užo zusim chutka, 23 śniežnia a 19-j hadzinie, adbudziecca prezientacyja pieršaj častki aŭdyjaknihi vieršaŭ paeta, palitviaźnia, supracoŭnika «Našaj Nivy» Andreja Skurko «Pra słanoŭ i barsučkoŭ dla dziaŭčat i chłapčukoŭ». A ŭžo ciapier možna pabačyć, jak kupałaŭcy zapisvali niekatoryja Andrejevy tvory.
Vieršy hetyja kiraŭnik adździeła rekłamy i markietynhu «Našaj Nivy» Andrej Skurko piša za kratami dla svajho maleńkaha syna Tamašyka. U Dziaduli pasialiŭsia sapraŭdny Słon, ścipłaja Žabka śviatkuje dzień narodzinaŭ, dobry Sabaka kala baka sustreŭ siabra, a dziełavaja Asa zalacieła ŭ hości na harbatu.
Vieršy zahučali hałasami narodnych artystaŭ Biełarusi Zoi Biełachvościk i Alaksandra Padabieda, maładych akcioraŭ Iryny Jakaviec i Arsienija Hardzijenki. A Youtube-kanał «Bejbus» ź siabrami adaptavaŭ tvory pad jaskravyja animavanyja ilustracyi i zaprašaje ŭsich da prahladu karocieńkich paetyčnych mulcikaŭ.
Usiaho aŭdyjakniha ŭmieścić u sabie 55 tvoraŭ dla maleńkich i sivieńkich, 10 ź jakich «Bejbus» prezientuje 23 śniežnia. Uklučajciesia a 19-j hadzinie!
-
70‑hadovy piensijanier vydaŭ svoj pieršy raman sam. «Tea z Hołdena» staŭ biestseleram
-
«Dom, u jakim…» Maryjam Pietrasian — raskazvajem pra kultavuju dla pakaleńnia 2010‑ch knihu-biestsieler, jakuju pierakłali na biełaruskuju movu
-
Abvieščany doŭhi śpis naminantaŭ na premiju imia Ježy Hiedrojcia za najlepšuju biełaruskuju knihu 2025 hoda
Kamientary