Praviły pryjomu ŭ licei źmianili. Licej BDU straciŭ «pryvilei»
Dev.by znajšoŭ pastanovu Minadukacyi ad 9 listapada 2021 hoda № 243, jakaja źmianiaje praviły pryjomu ŭ licei. Jana była apublikavanaja 7 śniežnia, nabyła moc na nastupny dzień, ale zastałasia niezaŭvažanaj.
Ciapier ispyty va ŭsie licei buduć prachodzić u adnolkavyja terminy — z 16 červienia pa 1 lipienia.
Raniej ich pravodzili z 16 da 21 červienia, a Licej BDU moh pravodzić ispyty raniej, z 10 da 31 maja.
Pravodzić vyprabavańni buduć tolki ŭ piśmovaj formie. Raniej dapuskałasia vusnaja, a taksama spałučeńnie vusnaj i praktyčnaj formaŭ.
Normy dla acenki budzie raspracoŭvać Respublikanski instytut kantrolu viedaŭ (RIKV). Raniej ich rychtavali adździeły adukacyi abłvykankamaŭ i Minharvykankama, a dla Liceja BDU — sam BDU.
Pryjomnaja kamisija pavinna budzie adskanavać ekzamienacyjnyja raboty i pieradać ich u RIKV na zachoŭvańnie ŭ dzień praviadzieńnia ispytu, da taho, jak prystupić da pravierki.
Zaličanyja mohuć być tolki tyja, chto atrymaje stanoŭčyja adznaki — ad 6 i vyšej. Raniej heta nie rehulavali.
U licei zmohuć arhanizavać dadatkovy pryjom 11-17 žniŭnia.
Kamientary