Žanočy forum z Chakamadaj u Minsku pieranieśli. A jaje imia źnikła z anonsaŭ
Aficyjnaja pryčyna — data supała z Dniom horada.
12 vieraśnia ŭ Minsku płanavali zładzić vialiki žanočy forum «PROtiebia: novyj rubiež». Chedłajnierkaj musiła być rasijskaja biznes-lektarka Iryna Chakamada — były apazicyjny palityk.
Jana źbirałasia vystupić ź lekcyjaj pra vidy enierhii, a ŭ kampaniju da jaje klikali jašče niekalki biznes-trenierak i matyvacyjnych śpikierak, a taksama psieŭdanavukoŭku Katrynu Arje z vystupam pra dadatkovyja vymiareńni.
Padzieju źbiralisia pravodzić u Falcon Club Arena — pavodle sajta foruma, taja zała raźličanaja na 2 tysiačy čałaviek.
Voś tolki dniami stała viadoma, što 12 vieraśnia forum nie adbudziecca. Arhanizatary paviedamili pra heta ŭ svaim zvarocie, u jakim tłumačać pieranos padziei «sukupnaściu faktaraŭ» i nazyvajuć jak adzin ź ich «važnaje dziaržaŭnaje śviata»:
«U hety dzień, kali było zapłanavana, my vas, na žal, nie źbiarem. Ale ŭ hetuju datu my ŭsioj stalicaj adznačym Dzień horada Minska.
Naša padzieja nie admianiajecca. My ŭsiaho tolki źmianiajem datu i trochi maderujem skład śpikieraŭ u bok uzmacnieńnia».
Što ž adbyvajecca sa składam śpikieraŭ? Miarkujučy pa sajcie foruma, ź jaho źnikła tolki chedłajnierka Iryna Chakamada — ciapier zamiest jaje abiacajuć novaha śpikiera, imia jakoha chutka raskryjuć. Taksama arhanizatary časova spynili pryjom apłaty za kvitki.
U akaŭncie foruma ŭ instahramie ciapier staić novaja data: forum projdzie 25 kastryčnika.
Za apošnija paru tydniaŭ prapahandysty niekalki razoŭ zhadvali forum u svaich kanałach. Ich asabliva cikaviła byłaja palityčnaja aktyŭnaść Chakamady — «lutaj nienaviśnicy Łukašenki».
«Naša Niva» — bastyjon biełaruščyny
PADTRYMAĆ
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
https://starsaboutwar.in.ua/iryna-khakamada