Apublikavali spravazdaču ab vykarystańni zbroi dla razhonaŭ pratestaŭ
Mižnarodnaja fiederacyja za pravy čałavieka (FIDH) apublikavała dakład pad nazvaj «Pastaŭki instrumientaŭ represij u Biełaruś. Niezakonnaje vykarystańnie zbroi dla razhonaŭ demanstracyj u parušeńnie pravoŭ čałavieka».
U dakładzie analizujecca mienš śmiarotnaja i ahniastrelnaja zbroja, jakaja vykarystoŭvajecca dla padaŭleńnia mirnych pratestaŭ, a taksama jaje zakupki i prymianieńnie, pryvodzicca ahlad mahčymych šlachoŭ pastavak i prymianieńnia, a taksama analizujucca šlachi pryciahnieńnia da adkaznaści dziaržaŭ i kampanij.
«Paśla žorstkich razhonaŭ pratestaŭ u Biełarusi [pačynajučy sa žniŭnia 2020 hoda], žurnalisty i arhanizacyi hramadzianskaj supolnaści zadakumientavali vykarystanyja patronnyja hilzy z humavymi kulami, śviatłašumavyja i inšyja bojeprypasy, jakija ŭžyvalisia suprać pratestoŭcaŭ, vyrablenyja ŭ asnoŭnym u Rasii i krainach ES. Akramia taho,
supracoŭniki atradaŭ asablivaha pryznačeńnia byli ŭzbrojenyja ahniastrelnaj zbrojaj zamiežnaj vytvorčaści, jakaja, mahčyma, była dastaŭlenaja ŭ Biełaruś u parušeńnie embarha ES na pastaŭki zbroi ŭ Biełaruś ad 2011 h. i inšych mižnarodnych abaviazaciestvaŭ», — havorycca ŭ dakładzie FIDH.
Paviedamlajecca, što siarod inšaha, byli vykarystanyja nastupnyja vidy zbroi:
«Pravaabarončy centr «Viasna» i inšyja arhanizacyi hramadzianskaj supolnaści zafiksavali pranikajučyja ahniastrelnyja ranieńni, pierałomy kaściej, stratu zroku i inšyja surjoznyja traŭmy, — zaznačaje Pavieł Sapiełka, juryst «Viasny», siabra FIDH u Biełarusi. — Niepraparcyjnaje prymianieńnie siły suprać mirnych pratestoŭcaŭ źjaŭlajecca nieprymalnym abmiežavańniem prava na mirnyja schody i prava na svabodu vykazvańnia dumak».
-
Łukašenka zapatrabavaŭ ad ministra abarony vyznačyć umacavanyja rajony, jakija buduć zaniatyja na praciahu sutak
-
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu
-
U Izraili, imavierna, zatrymali byłoha vykładčyka duchoŭnaha vučylišča, jaki žanaty z maładziejšaj za jaho na 30 hod studentkaj
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu11
Kamientary