Łukašenka 4 lutaha padpisaŭ rasparadžeńnie ab stvareńni pry svajoj administracyi respublikanskaha Rady pa histaryčnaj palitycy, pieradaje BIEŁTA. Heta budzie pastajanna dziejny mižviedamasny kansultacyjny i kaardynacyjny orhan pa adzinaj dziaržaŭnaj palitycy ŭ śfiery histaryčnaj pamiaci.
Navastvoranaja Rada budzie vyznačać stratehiju i zadačy histaryčnaj palityki, raspracoŭvać padychody i miery pa jaje realizacyi. Taksama jana budzie rychtavać prajekty pravavych aktaŭ i zaklučeńniaŭ dy vyvučać hramadskuju dumku pa sacyjalna-humanitarnych pytańniach.
Akramia taho, Radzie daduć prava nazyvać i pierajmianoŭvać hieahrafičnyja abjekty ŭ honar viadomych asobaŭ. Taksama jana budzie mieć prava vynosić papiaredžańni vydaŭcam za parušeńni ŭ halinie zachavańnia histaryčnaj pamiaci.
Praduhledžvajecca, što pracavać u Radzie na hramadskich pačatkach buduć navukoŭcy-humanitaryi, hramadskija dziejačy, pradstaŭniki palityčnych partyj, hramadskich abjadnańniaŭ, ekśpiertnaj supolnaści, dziaržorhanaŭ i arhanizacyj.
Imiony členaŭ Rady pakul što nie nazyvajucca, ale možna mierkavać, što ŭ jaho składzie my pabačym bolšaść štatnych prapahandystaŭ režymu. I možna nie sumniavacca, što novy orhan budzie mieć pieradusim cenzurna-represiŭnyja funkcyi.\
Kamientary