Karol Vialikabrytanii Karł III vystupiŭ pierad Kanhresam ZŠA i zaklikaŭ amierykanskich zakanadaŭcaŭ nie advaročvacca ad sajuźnikaŭ i ŭzmacnić padtrymku Ukrainy.
Karł III staŭ tolki druhim brytanskim manarcham, jaki vystupiŭ u Kanhresie ZŠA — pieršy raz heta zrabiła jahonaja maci, karaleva Lizavieta II, u 1991 hodzie.
Padčas vystupleńnia jon adznačyŭ, što sučasnyja hłabalnyja kryzisy — u Jeŭropie i na Blizkim Uschodzie — patrabujuć sumiesnych dziejańniaŭ Zachadu. Pavodle słoŭ karala, nivodnaja kraina nie zdolnaja spravicca z takimi vyklikami ŭ adzinočku.
Karł III padkreśliŭ, što partniorstva Vialikabrytanii i ZŠA histaryčna adyhryvała klučavuju rolu ŭ harantavańni biaśpieki ŭ śviecie, i ciapier hetaja jednaść asabliva važnaja dla padtrymki Ukrainy i dasiahnieńnia spraviadlivaha i tryvałaha miru.
Prezident Ukrainy Uładzimir Zialenski padziakavaŭ brytanskamu manarchu za zakliki da mižnarodnaj salidarnaści i padtrymki Ukrainy.
Padčas vizitu ŭ Vašynhton Karł III taksama ŭdzielničaŭ u aficyjnych sustrečach z amierykanskim kiraŭnictvam, u tym liku z prezidentam Donaldam Trampam.
U toj ža čas paviedamlajecca, što častka amierykanskaj finansavaj dapamohi Ukrainie, uchvalenaj raniej, pakul nie była realizavanaja z-za ŭnutranych dyskusij u Pientahonie. Kanhres pry hetym padkreślivaje, što hetaja dapamoha razhladajecca jak układ u biaśpieku ZŠA, a nie jak dabračynnaść.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary