Anžalicy Mielnikavaj vydali pašpart prykryćcia na imia Anhieliny Radzivonavaj?

U pačatku hoda źnikłaja śpikierka Kaardynacyjnaj rady Anžalika Mielnikava kupiła kvateru ŭ «Majaku Minska». «Lusterka» i «Kibierpartyzany» vyśvietlili, kamu raniej naležali hetyja apartamienty. Da Mielnikavaj ułaśnikam byŭ Alaksiej Vitaljevič Čałajeŭ — na heta imia, mierkavana, aformleny pašpart prykryćcia Alaksieja Łabiejeva, ahienta kontrraźviedki KDB, jaki nieadnarazova sustrakaŭsia ź Mielnikavaj.

A da Čałajeva kvatera naležała Anhielinie Alaksiejeŭnie Radzivonavaj. Ale jość niuans — takoha čałavieka siarod hramadzian Biełarusi ŭ bazach, dastupnych «Kibierpartyzanam» nie isnuje.

Chto hetaja zahadkavaja Radzivonava? Ci nie moža heta być imia, na jakoje aformleny pašpart prykryćcia samoj Mielnikavaj? Na hetu dumku navodzić niekalki detalaŭ.

Pašpart Radzivonavaj byŭ aformleny 13 maja 2025 hoda, a ŭžo 16 maja 2025‑ha jana kuplaje na siabie kvateru — nibyta śpiecyjalna pad jurydyčnuju apieracyju.

Data naradžeńnia Mielnikavaj — 12 lutaha 1988 hoda. U Radzivonavaj — 2 lutaha 1990 hoda. To-bok miesiac toj samy, a voś dzień i hod źmienienyja, ale nienašmat.

U ahienta Łabiejeva takaja samaja schiema z datami naradžeńnia — 30 krasavika 1993 hoda (u realnym pašparcie), 29 krasavika 1991 hoda (u pašparcie prykryćcia) i 28 krasavika 1991 hoda (u druhim pašparcie prykryćcia).

U Łabiejeva-Čałajeva imia paŭsiul zastavałasia «Alaksiej». A voś u Mielnikavaj-Radzivonavaj imiony choć i roznyja, ale padobnyja pa struktury, asabliva ŭ ruskamoŭnym napisańni, dzie adroźnivajucca ŭsiaho dźvie litary — «Anžielika» i «Anhielina».

Što jašče cikava — u instahramie trenierki, jakaja vykładała videa ź Mielnikavaj u fitnes-zale, siarod padpisak jość zakryty akaŭnt annalex.rodion.

Profil byŭ stvorany ŭ krasaviku 2025 hoda, paznačana, što adzin raz imia akaŭnta źmianiałasia (raniejšaje nieviadoma). Moža, heta taja samaja Radzivonava?

Annalex.rodion lohka raskładvajecca na ruskamoŭnaje skaračańnie «Ann. Aleks. Rodion.»

Pavialičyć

Pavialičyć

My spytali mierkavańnie «Kibierpartyzanaŭ»: ci mahčyma, što heta pašpart prykryćcia Mielnikavaj? Fotazdymka z hetaha pašparta ŭ ich pakul niama.

«Heta całkam vierahodna, ale na hety momant dokazaŭ tamu niama. Uvohule pakul što składvajecca ŭražańnie, što hety pašpart byŭ stvorany pad nabyćcio kvatery inkohnita, bo jaho vydali za try dni da kupli kvatery. Takaja asoba nie zhadvajecca ni ŭ jakich dziaržaŭnych bazach, da jakich u nas jość dostup», — prakamientavali «Kibierpartyzany».

Byłaja śpikierka Kaardynacyjnaj rady Anžalika Mielnikava źnikła ŭ sakaviku 2025 hoda. Apošni raz jaje bačyli na Šry-Łancy, kudy ŭ toj ža čas pryjazdžaŭ Alaksiej Łabiejeŭ — 32‑hadovy mužčyna, ź jakim u Mielnikavaj byli adnosiny i jaki, jak vyśvietlili žurnalisty, pracuje va Upraŭleńni vajskovaj kontrraźviedki KDB.

Paśla jaje źniknieńnia ŭ Polščy zaviali kryminalnuju spravu, ale što adbyłosia z Anžalikaj, dahetul niezrazumieła.

Praz hod u sacsietkach źjavilisia jaje fatahrafii ź minskaj spartzały, a baćka pryznaŭsia «Našaj Nivie», što jana ŭžo «daŭnavata» ŭ Biełarusi. Inšyja bačyli jaje ŭ «Dana Mole». «Lusterka» vyśvietliła, što ŭžo paśla źniknieńnia Mielnikava nabyła dźvie kvatery ŭ Minsku. Z treciaj jaje kvatery byŭ źniaty aryšt i aformleny padzieł majomaści z byłym mužam.

• 4
• 1
• 17
• 21
• 6
• 0
• 7
• 0