Marhienšterna znoŭ zapadozryli ŭ prapahandzie narkotykaŭ z-za tatuiroŭki z kanoplami u klipach
Palicyja rasijskich Nabiarežnych Čałnoŭ raspačała administracyjnuju spravu ŭ dačynieńni da repiera Marhienšterna, uhledzieŭšy prapahandu narkotykaŭ u troch jaho klipach.
Pavodle źviestak krynicy TASS u pravaachoŭnych orhanach, havorka idzie pra klipy «Novaja vołna», «El problema»i «Yung Hefner».
Videa pravieryli ekśpierty miascovaha piedahahičnaha univiersiteta i Maskoŭskaha navukova-praktyčnaha centra narkałohii Departamienta achovy zdaroŭja Maskvy. Pieršyja zaŭvažyli ŭ ich tatuiroŭku na hrudziach muzykanta, «pa krajach jakoj namalavanaja raślina, padobnaja na kanoplaŭ». Druhija vyjavili ŭ rolikach «šmatlikija sceny, jakija farmujuć u hledača asacyjatyŭnyja suviazi pamiž dapuščalnaściu niezakonnaha spažyvańnia praduktaŭ kanoplaŭ i dasiahnieńniem pośpiechu, łajalnaje staŭleńnie da niezakonnaha ŭžyvańnia narkatyčnych srodkaŭ».
Administracyjnaja vytvorčaść viadziecca pa častcy 1.1 artykuła 6.13 KaAP, jaki praduhledžvaje dla jurydyčnych asob da 1,5 miljona rasijskich rubloŭ (da 50 tysiač biełaruskich) štrafu albo prypynieńnie dziejnaści na termin da 90 sutak.
Marhienštern svajoj viny nie pryznaje. Advakat repiera Siarhiej Žoryn zajaviŭ ahienctvu, što pieršapačatkova ŭ palicyi Nabiarežnych Čałnoŭ praviarali na prapahandu narkotykaŭ pieśni muzykanta, ale nie vyjavili ničoha supraćzakonnaha.
U listapadzie 2021 hoda repier z-za abvinavačvańnia ŭ prapahandzie narkotyŭ pakinuŭ Rasiju. Jon źjechaŭ u Emiraty praź Biełaruś.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach8
Kamientary