Raniej Łukašenka zajaŭlaŭ, što z Pakistana pryjeduć 150 tysiač rabotnikaŭ.
U Biełarusi znachodziacca 324 hramadzianina Pakistana. Pra heta stała viadoma ŭ čaćvier padčas razhladu zakonaprajekta ab ratyfikacyi biełaruskaha-pakistanskaha Miemaranduma ab pracaŭładkavańni pakistancaŭ, piša Reform.news. U ministra ŭnutranych spraŭ Ivana Kubrakova spytali, jak pavodziać siabie hramadzianie Pakistana.
«Usie parušeńni, jakija vyjaŭlajucca z boku pakistancaŭ, jakija ciapier znachodziacca ŭ nas u krainie i jakija pryjazdžali da nas, źviazanyja z parušeńniem mihracyjnaha zakanadaŭstva, heta značyć pražyvajuć nie pa miescy, tam, dzie jany zarehistravanyja, albo parušyli terminy rehistracyi i hetak dalej. Parušeńniaŭ hramadskaha paradku z boku dadzienych hramadzian nami nie zafiksavana za 2025 hod. Tak, było adno złačynstva, jakoje było ździejśniena hrupaj asob, dzie byŭ i hramadzianin Pakistana. Jakich-niebudź prablem u ciapierašni čas ź ich boku niama», — skazaŭ jon.
Pieršapačatkova Alaksandr Łukašenka zajaŭlaŭ pra hatoŭnaść pryniać da 150 tysiač rabotnikaŭ z Pakistana.
Kubrakoŭ taksama vyrašyŭ prailustravać padychody MUS da pracoŭnych mihrantaŭ na prykładzie kiroŭcaŭ taksi.
«Vy ŭsio vydatna pamiatajecie situacyju, kali była vialikaja kolkaść zamiežnych hramadzian z roznych dziaržaŭ, ale, napeŭna, bolš z adnoj krainy, kali kiroŭcami taksi byli zamiežnyja hramadzianie, niekatoryja ź ich nie tolki nie zusim vykonvali praviły darožnaha ruchu, ale i nie zusim umieli razmaŭlać na ruskaj movie.
My sabrali ŭsich pradprymalnikaŭ, praviali ź imi hutarku, sabrali zamiežnych hramadzian. Taksama kožnaha ź ich papiaredzili, što ŭ vypadku ŭ dalejšym parušeńnie praviłaŭ darožnaha ruchu, ździajśnieńnia złačynstvaŭ, my budziem vielmi žorstka reahavać. Supracoŭniki DAI ŭziali na kantrol usie taksi, dzie pracavali dadzienyja hramadzianie, niepraduziata, ale situacyju kantralavali, u tym liku i z dapamohaj videa.
Jak tolki my adpravili peŭnuju kolkaść ludziej z našaj krainy za parušeńnie dziejučaha zakanadaŭstva, adrazu ž i pradprymalniki, jakija ich zaprašajuć siudy, pačali ich navučać. Pierapadrychtoŭku arhanizavali, u tym liku pa vyvučeńni praviłaŭ darožnaha ruchu. I na siońniašni dzień, nie chaču skazać, što nichto nie parušaje praviłaŭ darožnaha ruchu, ale paradak u hetym płanie naviedzieny. Tak budzie ź lubymi hramadzianami, jakija pryjazdžajuć u našu krainu. Jany abaviazany vykonvać dziejučaje zakanadaŭstva», — raspavioŭ ministr.
Kamientary