Najbujniejšyja biełaruskija servisy taksi damovilisia ź Ministerstvam antymanapolnaha rehulavańnia i handlu pra novyja praviły pracy ŭ pieryjady pavyšanaha popytu, paviedamlaje pres-słužba MARH.
Da pahadnieńnia dałučylisia TAA «BiełHo Korp» («Jandeks Go»), UP «A1» («A1 Taksi») i TAA «AŭtaJurłajn» («Taksi 152»).
U pryvatnaści, havorka idzie pra damoŭlenaść nie zavyšać ceny ŭ pieryjady pikavaha popytu (naprykład, pry ekstremalnym nadvorji abo padčas bujnych mižnarodnych mierapryjemstvaŭ).
Tak, dyśpietčary taksi abaviazvajucca:
- ustrymlivacca ad pavyšeńnia koštu pasłuh pa dyśpietčaryzacyi;
- prymać miery pa stymulavańni pieravozčykaŭ dla zabieśpiačeńnia nieabchodnaj kolkaści aŭtamabilaŭ na linii;
- abmiažoŭvać značeńnie pavyšajučaha kaeficyjenta da cany pieravozki pasažyra ŭzroŭniem nie bolš za try.
Akramia taho, dakumientam praduhledžana efiektyŭnaje infarmacyjnaje ŭzajemadziejańnie sa spažyŭcami i realizacyja sacyjalnych prajektaŭ.
Pahadnieńnie adkrytaje dla dałučeńnia inšych dyśpietčaraŭ taksi, jakija hatovy pryniać na siabie hetyja abaviazalstvy.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty11
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary