Zaleva ŭ piatnicu, 8 maja, paralizavała ruch u Minsku. Pavodle danych servisu «Jandeks», zahružanaść daroh da 17:00 dasiahnuła maksimalnych 10 bałaŭ. Samaja składanaja situacyja ŭ Frunzienskim rajonie, piša Office Life.

Minsk, vulica Łyńkova. Fota: «Mieteavajb»
U MNS paviedamili, što ŭ stalicy padtapiła siem učastkaŭ daroh. Z-za vialikaj vady časova stali 23 maršruty — 11 tralejbusnych i 12 aŭtobusnych. Zaraz transpart znoŭ pajšoŭ, ale na ahulnuju situacyju z korkami heta pakul paŭpłyvała mała.

Fota: Jandeks-Karty
Asnoŭnyja siły ratavalnikaŭ i kamunalnikaŭ byli kinutyja na niekalki punktaŭ:
- HD «Ždanovičy»: tam rasčyščajuć zabituju liŭnievuju kanalizacyju;
- vulicy Lucinskaja, Mazurava i Łabanka: tut adpampoŭvajuć vadu, a z Mazurava i Łabanka ratavalnikam daviałosia ŭručnuju vyciahvać dva lehkaviki;
- pryvatny siektar: u Frunzienskim i Maskoŭskim rajonach vada zajšła na terytoryju domaŭładańniaŭ.

Skrynšot ź videa MNS
Niahledziačy na surjoznyja apadki, abyšłosia biez paciarpiełych, drevy taksama nie padali.
U Minsku paśla daždžu padtapiła niekatoryja vulicy. Asabliva stychija svavoliła na zachadzie horada
Słužby taksi abaviazalisia nie pavyšać ceny ŭ niepahadź
Za 12 hadzin u Bierazino vypała 45% miesiačnaj normy apadkaŭ
Z ranicy značna pahoršylisia ŭmovy nadvorja
Dzie-nidzie ŭ Biełarusi prajšoŭ bujny hrad FOTY
Kamientary