Abirajuć tych, chto paśpieŭ zarabić da kryzisu — ułady na 2% pavyšajuć padatki. Pačała Viciebskaja vobłaść
Na partale pravo.by źjaviłasia rašeńnie viciebskaha abłasnoha Savieta deputataŭ, u jakim zamacoŭvajecca padniaćcie padatku na prybytak adrazu dla ŭsich katehoryj płatnikaŭ.
Zhodna sa 184-m artykułam Padatkovaha kodeksa, staŭka padatku na prybytak składaje 18%. Ciapier u Viciebskaj vobłaści jana budzie składać 20% — staŭku pavyšajuć na 2%.
Ekanamisty nie vyklučajuć, što hety trend budzie raspaŭsiudžvacca i na inšyja vobłaści. U hetym rašeńni jość peŭnaja łohika, miarkujuć jany.
«Pakolki ŭ budučyni prybytki istotna skarociacca, to efiektu ad pavyšanaha zboru padatkaŭ budzie mała, a voś sabrać trochi dadatkovych hrošaj za pieršy kvartał 2022-ha možna — niechta niejki prybytak za studzień-luty paśpieŭ nazapasić», — kaža «Našaj Nivie» ekanamist BEROC Dźmitryj Kruk.
«U biznes-kołach jość sumny žart, što ŭ Biełarusi dziaržava imhnienna prychodzić na vyručku biznesu — jak tolki vyručka pastupaje na rachunak. Heta da taho, što zvyčajna ŭ ciažkija časy ŭ krainach z razumnaj uładaj biznes sprabujuć padtrymać, a nie naadvarot vyciahnuć ź jaho apošniaje», — reziumuje Kruk.
«Režym supiermaksimalnaha spryjańnia». Što Biełaruś moža atrymać ad Rasii?
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary