Byłoha padpałkoŭnika KDB Alaksieja Chrałoviča asudzili da 10 hadoŭ kałonii ŭzmocnienaha režymu
Jaho sudzili za dziaržaŭnuju zdradu za pieradaču zapisaŭ telefonnych razmoŭ, datyčnych hibieli Ramana Bandarenki, jakija pralili śviatło na abstaviny złačynstva.
Taksama jon pakarany štrafam u 500 bazavych vieličyń, i pazbaŭleny vajskovaha zvańnia «padpałkoŭnik».
Sud nad Chrałovičam pačaŭsia 21 sakavika. Jon prachodziŭ ŭ zakrytym režymie.
U sakaviku 2021 hoda na telebačańni pakazali film «Apieracyja KDB «Mankurty», u jakim raspaviali pra zatrymańnie Chrałoviča. Jamu vystavili abvinavačańni pa č. 2 art. 356 Kryminalnaha kodeksa (zdrada dziaržavie, ździejśnienaja słužbovaj asobaj, jakaja zajmaje adkaznuju pasadu, ci asobaj, na jakuju raspaŭsiudžvajecca status vajskoŭca).
Mahčyma, padpałkoŭnik zdabyŭ pieramovy Dźmitryja Baskava, Natalli Ejsmant i Dźmitryja Šakuty z vykarystańniem słužbovych mahčymaściaŭ. Zatym Chrałoviču nibyta prapanavali paŭdzielničać u apieratyŭnaj hulni, kab vyjavić šlachi evakuacyi ź Biełarusi asobaŭ, źviazanych z rucham za hramadzianskija pravy i svabodnyja vybary, jakim pahražaje niebiaśpieka, i zatrymali.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary