Adidas źniaŭ krutuju piacichvilinnuju karotkamietražku da čempijanatu śvietu pa futbole z Šałame, Bekchemam, Zidanam, Miesi i del Pjera
I jašče dziasiatkam zorak futboła.
Cimaci Šałame, jaki vielmi padobny na dziełavoha hałoŭnaha hieroja ź filma «Marci Nievierahodny», źbiraje kamandu z troch čałaviek (Džud Bielinhiem, Łamin Jamal i amierykanskaja futbalistka Trynici Rodman), kab abhulać u pajadynku try na try niepieramožnuju z 1996 hoda kamandu pa vuličnym futbole, za jakuju hulajuć dva chłopcy i dziaŭčyna, pryčym u kiedach i džynsach.
Pa darozie na matč Šałame — Jamal i Bielinhiem siadziać na zadnim siadzieńni jak vorahi — raskazvaje, jak małaviadomaja kamanda ŭ roznyja hady pieramahała zbornyja zorak futboła.
Pieršaj pała kamanda ź Zidana, Bekchema i Del Pjera.
Bielinhiem, Jamal i Rodman ź ciažkaściu vierać u heta.
Paśla vychadu Bielinhiema, Jamala i Rodman na matč suprać niepieramožnaj kamandy Šałame padychodzić da Miesi i pytajecca: «Nu što, ja vykanaŭ abiacańnie ci nie? Kali što, ty zajaŭleny zapasnym».
Režysior stužki aŭstralijec Mark Małoj. U 2019 hodzie jaho rekłamny rolik dla Apple «Niaŭdačniki» staŭ łaŭreatam «Kanskich lvoŭ» i «Załatoha hłobusa».
Kamientary