7 maja pravaabaroncy pryznali palitviaźniami jašče 9 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 848 čałaviek.
U śpis palitźniavolenych dadali nastupnyja proźviščy:
Ivan Cybulski, Dźmitryj Hračoŭ, Jahor Krakasievič, Alaksandr Šajpak, Maksim Śmirnoŭ, Dźmitryj Drobyš, Alaksandr Pietraškievič, Siarhiej Ałdasieŭ, Jaŭhien Skočka.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 848 čałaviek. Apošnim časam ahulnaja ich kolkaść istotna nie raście i navat źmianšajecca, časam zaŭvažna. Ale heta nie tamu, što represii ŭ Biełarusi źmianšajucca, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, u tym liku pry pasiarednictvie ZŠA, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
Jašče dvuch palitviaźniaŭ asudzili za «złosnaje niepadparadkavańnie administracyi kałonii»
Pryznali «ekstremisckaj» staronku pamierłaha palitviaźnia Alesia Puškina
«Užyŭ u sacsietkach słova «kałchazan». Za što mahli asudzić byłoha maładafrontaŭca Jaŭhiena Skočku
70‑hadovy pravaabaronca Uładzimir Cielapun, jakoha zatrymali ŭ krasaviku, chvareje na rak
Natalla Dulina publična adkazała na paklop z boku druhoj palitźniavolenaj, Haliny Dzierbyš
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary