Apublikavanaja zapiska, jakuju, mierkavana, Epštejn napisaŭ pierad sprobaj samahubstva
«Heta sapraŭdny padarunak — mieć mahčymaść samomu vybrać čas dla raźvitańnia», — paviedamlałasia ŭ zapiscy.
Sud u ZŠA apublikavaŭ fota pieradśmiarotnaj zapiski, mierkavana napisanaj finansistam Džefry Epštejnam pierad jaho niaŭdałaj sprobaj samahubstva ŭ turmie ŭ lipieni 2019 hoda.
Pra heta piša The New York Times, dadajučy, što ŭ ich niama dakładnych dokazaŭ taho, što zapisku sapraŭdy napisaŭ mienavita Epštejn.
Zapisku znajšoŭ sukamiernik Epštejna, były palicejski Nikałas Tartalijone.
U joj Epštejn paviedamlaje, što dokazy abvinavačańniaŭ suprać jaho nie byli znojdzienyja, niahledziačy na «miesiacy dopytaŭ».
«Heta sapraŭdny padarunak — mieć mahčymaść samomu vybrać čas dla raźvitańnia, — kazałasia ŭ zapiscy. — I čaho vy ad mianie chočacie — kab ja raspłakaŭsia! Nijakaj radaści. Heta taho nie varta!»
Podpisu na zapiscy niama.
Ministerstva justycyi ZŠA pakul nie prakamientavała situacyju. Zapiska prajšła počyrkaznaŭčuju ekśpiertyzu, jakaja paćvierdziła padabienstva z počyrkam Epštejna.
U lipieni 2019 hoda Epštejna znajšli ŭ turemnaj kamiery biez prytomnaści i z traŭmami šyi. Paśla hetaha jaho pieraviali ŭ kamieru ź miakkimi ścienami pad pastajanny nahlad, ale paźniej viarnuli ŭ zvyčajnuju. U žniŭni 2019 hoda finansista znajšli miortvym.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ99
Kamientary