17 žniŭnia siłaviki zatrymali Michaiła Łupanosava, brata byłoha padpałkoŭnika HUBAZiKa Stanisłava Łupanosava, jaki vyjechaŭ ź Biełarusi, asudziŭšy dziejańni byłych kaleh. Viadoma, što Michaił byŭ dyrektaram budaŭničaj firmy. Učora Śledčy kamitet ahučyŭ pryčyny aryštu Michaiła — prypomnili jamu navat, što «uradženiec Ukrainy», chacia heta nie źjaŭlajecca abciažvajučym faktaram pavodle biełaruskich zakonaŭ. Mužčynie pahražaje da 5 hod kałonii pa troch artykułach Kryminalnaha kodeksa.
Maskoŭski adździeł SK Minska ustanaviŭ, što 40-hadovy ŭradženiec Ukrainy bolš za 4 hady źjaŭlaŭsia dyrektaram adnoj z budaŭničych firmaŭ i, «žadajučy pavialičyć prybytak i pazbavicca ad daŭhoŭ», rašyŭsia na złačynstva. Pad mužčynam majecca na ŭvazie Michaił Łupanosaŭ, ale jaho imia nie nazyvajecca.
Jon nibyta atrymlivaŭ licenziju na budaŭnictva, nie majučy supracoŭnikaŭ patrebnaj katehoryi, a tamu, jak śćviardžajecca, sam unios u pracoŭnyja knižki piaci asob niesapraŭdnyja zapisy ab raniejšych miescach pracy.
Jašče adzin epizod, jaki stavicca ŭ vinu bratu Łupanosava, hučyć tak: zaklučyŭ damovu z adnoj firmaj i subpadradčykam na praviadzieńnie […] rabot, praź niekalki miesiacaŭ prapanavaŭ zakazčyku źmianić umovy apłaty i pieraličvać apłatu za vykananyja raboty ad zamoŭcy adrazu na rachunak subpadradčyka, dzie Łupanosaŭ taksama byŭ namieśnikam dyrektara.
«Takim čynam, na padstavie akta zdačy-pryjomki vykananych rabot, jakija faktyčna nie adbyvalisia, zamoŭcam pieraličanyja ŭ niekalki etapaŭ 45 tysiač biełaruskich rubloŭ. U nastupnym ukazanyja srodki raschodavalisia ŭ intaresach tavarystva, dyrektaram jakoha źjaŭlaŭsia fihurant», — piša SK i dadaje, što śledčymi praviedzienyja dopyty abvinavačanaha i śviedkaŭ, vobšuki, vočnaja staŭka i šmatlikija ahlady pradmietaŭ i dakumientaŭ.
«Ustanoŭlenyja 8 epizodaŭ złačynnaj dziejnaści 40-hadovaha mužčyny», — paviedamlaje SK.
Michaił Łupanosaŭ abvinavačvajecca pa:
- č. 2 art. 216 (naniasieńnie majomasnaj škody biez prykmiet kradziažu ŭ bujnym pamiery),
- č. 1 i 2 art. 380 (vykarystańnie zaviedama padłožnaha dakumienta, učynienaje paŭtorna),
- č. 1 art. 427 (uniasieńnie pasadovaj asobaj zaviedama niepraŭdzivych danych u aficyjnyja dakumienty).
Michaiłu pahražaje da 5 hod źniavoleńnia, jon zastajecca pad vartaj.
Nahadajem, niadaŭna ŭ adnym z prapahandysckich filmaŭ byŭ pakazany Michaił Łupanosaŭ, jaki źviartaŭsia da brata «navat nie ad siabie, a ad kaleh», abiacajučy daravańnie za raskajvańnie i viartańnie.
Aficer HUBAZiKa, jaki pieradavaŭ infarmacyju ruchu za svabodnyja vybary, daŭ pieršaje intervju: Chaj dumajuć, što ja adzin taki, chaj supakojvajuć siabie
-
Praŭładny analityk Špakoŭski sprabuje patłumačyć, što chacieŭ Łukašenka ad ZŠA
-
Vykładčyca Natalla Dulina: Ja kateharyčna admoviłasia pisać prašeńnie ab pamiłavańni. I ja b była rada, kali b vyvieźli kahości inšaha
-
«Na hałovach — miaški». Eks-palitviazień Karniej, jakoha vyzvalili razam ź Cichanoŭskim, raspavioŭ, jak heta było
Ciapier čytajuć
Biznesmien, biełaruska sa Šviecyi, chłopiec, asudžany za čat na pieciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim55
Kamientary