«Sieladziec pad šubaj» z čyrvonaj ikroj ad pafasnaha restarana rasčaravaŭ pakupnikoŭ
Za 51 rubiel za paŭkiło — ružovaja masa ŭ zvyčajnym kantejniery z folhi.
Hastranamičny restaran Fabriq, jaki vielmi lubiać łukašenkaŭskija pryhažuni, stvaryŭ śpiecyjalnaje śviatočnaje mieniu. Prapanoŭvałasia zamović restarannyja stravy dla svajho chatniaha śviata.
Siarod pazicyj była i papularnaja sałata «Sieladziec pad šubaj» — praŭda, z čyrvonaj ikroj. Na rekłamnym fota strava vyhladała jak minijaciurny tort: pa centry — akuratnaja horka ikry, abramlenaja halinkaj razmarynu. Cana — 51 rubiel za paŭkiłahramovuju porcyju (to bok 102 rubli za kiłahram).
Adna ź biełarusak padzialiłasia ŭ Threads tym, što atrymała za takija hrošy. I heta cudoŭnaja ilustracyja dla miemaŭ ź sieryi «čakanie dy rečaisnaść».
Zamiest kulinarnaha tvora mastactva žančynie dastałasia ružovaja masa ŭ zvyčajnym kantejniery z folhi. Čyrvonaja ikra była ŭ nievialikim płastykavym kantejniery. A voś pra razmaryn zabylisia.
Vizualna nikoli nie zdahadaješsia, što hetaja strava z elitnaha restarana, a nie ź bližejšaha hipiermarkieta. Dla paraŭnańnia: kiłahram «Sieladca pad šubaj» u kramie kaštuje kala 14 rubloŭ za kiłahram.
Karystalniki sacsietki byli vielmi ździŭlenyja, što daloka nie biudžetny Fabriq moh pradać takoje. Ale niekatoryja paćvierdzili, što atrymali toje ž samaje. U kamientarach pačali žartavać.
«A voś «Sieladziec pad šubaj» sa zvyčajnaj kulinaryi z vami nikoli b tak nie zrabiŭ».
«Taki fabric, taki details».
Biełaruska raspaviała, što napisała restaranu pra svajo ździŭleńnie: «Pieršapačatkova adkaz byŭ pra toje, što farmat zamovy z saboj praduhledžvaje raźmiaščeńnie stravy ŭ kantejniery dla transparciroŭki. Ikru padajuć asobna, kab nie puściła sok na sałatu. Fatahrafija ŭ instahram nosić infarmacyjny charaktar, taksama jak i vaha stravy, jakaja adroźnivajecca na fatahrafii. Taksama pry zamovie možna vybrać posud z saboj abo raźmiaścić stravu ŭ svaim posudzie, tady jana budzie pa formie i dekoru prydatnaja».
Navahodni stoł za 20 rubloŭ: biełaruska pakazała, što zdoleła kupić na takija hrošy
«Šato de Pakiet»: u sacsietkach žartujuć z taho, što «Biełavija» pačała nalivać na rejsach nieprystojna tannaje vino
Pafasny i duža darahi restaran u Hrodnie trapiŭ u skandał praz karciny biełaruskaj mastački
«Ad maskaloŭ i dla maskaloŭ. A vy dumali, što dla biełarusaŭ zrobiać?» U centry Minska adkryłasia «Draničnaja №1»
Kamientary