Žančynam dali kamandu radavacca: na zajavu Łukašenki adreahavali prapahandystki dy štatnyja pryhažuni
Pakul ludzi žartujuć z taho, što heta nadta iranična — abviaščać Hodam biełaruskaj žančyny Hod kania, nabližanyja da ŭłady biełaruski sprabujuć prademanstravać usienarodnuju padtrymku.
Padčas navahodniaha zvarotu Alaksandr Łukašenka abviaściŭ 2026‑y Hodam biełaruskaj žančyny. Darečy, z čaho raptam takoje rašeńnie ŭ krainie, dzie «Kanstytucyja zroblena nie pad žančynu»?
Jak pa kamandzie na navinu adreahavali dziaŭčaty, jakija ŭ roznyja hady ŭdzielničali ŭ konkursie «Mis Biełaruś». U storys jany repościli videa, u jakim Łukašenka vinšuje z Novym hodam, i padpisvali kštałtu: «Dziaŭčaty, hety hod dakładna budzie naš!».
Tak zrabiła i Nastaśsia Łaŭrynčuk (vice-mis Biełaruś 2018), i Eleanora Kačałoŭskaja (mis Biełaruś 2023), i Alija Andrejeva z Hannaj Byčko (udzielnicy konkursu ŭ 2025 hodzie).
Darečy, apošniaja ź dziaŭčat siadzieła vielmi blizka da palityka na jaho niadaŭnim bali.
Apieratyŭna padklučylisia i prapahandystki: maładaja žurnalistka z «SB. Biełaruś siehodnia» Taćciana Bialeckaja, viadučyja BT Nina Mažejka i Nastaśsia Rudzkaja, dy Kaciaryna Zabiańko z STB.
Śviatłana Isajonak (niaviestka byłoj ministarki infarmacyi Lilii Ananič), jakaja letaś pramianiała pracu ŭ «SB. Biełaruś siehodnia» na pasadu ŭ sakrataryjacie Pałaty pradstaŭnikoŭ, zrabiła ceły dopis. Jana nachvalvała «najmudrejšaje rašeńnie» Łukašenki.
Hanna Kviłoryja — žonka ambasadara Biełarusi ŭ Turcyi Anatola Hłaza i viadučaja BT — zapisała tyktok pad słovy Łukašenki pra žančyn. Rolik Hanny za 5 hadzin pahladzieŭ 21 čałaviek.
A voś u Threads da raskručvańnia temy padyšli bolš hruntoŭna. Supadzieńnie ci nie, ale i tut šmat u jakich vypadkach rašeńnie Łukašenki nachvalvajuć dziaŭčaty, jakija ŭdzielničajuć u roznych konkursach pryhažości — naprykład, łajf-koŭč Natalla Kivačuk, jakaja ŭ 2025 hodzie atrymała tytuł mis Viva Braslav.
U zachapleńnie ad idei Łukašenki pryjšła i błohierka Rusłana Karachojeva, jakaja sama pra siabie piša: «Atrymoŭvaju hrošy za toje, što vykładaju paru storys, pakul lažu ŭ łožku».
Na krytyku svajho liślivaha dopisu Rusłana čamuści pakryŭdziłasia: «Hety post byŭ napisany vyklučna z metaj, kab my z vami paradavalisia pryjemnym słovam, skazanym u adras žančyn, a nie dla taho, kab davać prastoru dla palityčnych kanapavych palemik i nakidvańniu łajna».
Siarod žančyn, jakija nachvalvajuć Łukašenku, jość niekalki tych, čyje fota raźmieščany na sajtach dla darosłych.
Jość i tyja, chto tolki niadaŭna atrymaŭ biełaruskaje hramadzianstva.
Usie hetyja dopisy z uchvaleńniem rašeńnia Łukašenki — ci nie reakcyja na niadaŭni fłešmob paśla taho, jak na voli apynułasia Maryja Kaleśnikava? Žančyny (dyj nie tolki žančyny) farbavali vusny čyrvonaj pamadaj u znak padtrymki byłoj palitźniavolenaj.
Cikava, ci budzie dziaržava ŭ hety hod zmahacca z chatnim hvałtam? Ci zrobiać niešta z pracadaŭcami, jakija na sumoŭjach kažuć «U vas dzicia małoje — budziecie ŭvieś čas na balničnyja biehać. Nie voźmiem!»? Nu a pra toje, ci vypuściać palitźniavolenych biełarusak — jakija taksama biełaruskija žančyny — niebiaśpiečna navat pisać u kamientarach, kali čałaviek znachodzicca ŭ Biełarusi. Bo palityk, jaki «nie zmahajecca z žančynami», lohka kidaje za kraty i maładych maci, i piensijanierak.
Alaksandr Łukašenka abviaściŭ 2026 hod Hodam biełaruskaj žančyny
«Jak tam našy praciŭniki, sapierniki i vorahi?» Pierad navahodnim zvarotam Łukašenka demanstratyŭna pazvaniŭ Chreninu
Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam
Voś čamu na zvarocie Cichanoŭskaj nie było Bialackaha i Cichanoŭskaha
Ciapier čytajuć
U Biełarusi bolš nie buduć prymać płatnikaŭ u mieduniviersitety. Što pra heta kažuć daktary?1
Kamientary
Voistinu iskrieńniaja radosť.