Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
79‑hadovy Donald Tramp raskazaŭ pra svajo zdaroŭje ŭ intervju The Wall Street Journal.
Tramp zajaviŭ, što ŭ jaho šmat enierhii i što jon źviazvaje heta sa svaimi baćkami. «Hienietyka — heta vielmi važna, — skazaŭ jon. — I ŭ mianie vielmi dobraja hienietyka».
Tramp prymaje bolš aśpirynu, čym rekamiendujuć jaho daktary. Jon niadoŭhi čas sprabavaŭ nasić kampresijnyja škarpetki z-za aciokaŭ ščykałatak, ale kinuŭ, bo jany jamu nie spadabalisia.
Časam jon ihnaruje parady svaich lekaraŭ i z pahardaj stavicca da ahulnapryniatych miedycynskich rekamiendacyj, spadziejučysia na toje, što jon nazyvaje svajoj «dobraj hienietykaj».
Akramia holfa, Tramp nie zajmajecca rehularnymi fizičnymi praktykavańniami, i viadoma, što jon užyvaje šmat salonaj i tłustaj ježy, takoj jak hamburhiery i bulba fry.
Vialikaja doza aśpirynu, jakuju jon vyrašyŭ prymać štodnia, pryviała da taho, što ŭ jaho lohka źjaŭlajucca siniaki. Daktary zaklikali jaho pierajści na mienšuju dozu, ale Tramp admoviŭsia, bo prymaje jaho ŭžo 25 hadoŭ.
«Kažuć, aśpiryn karysny dla razredžvańnia kryvi, a ja nie chaču, kab praz majo serca ciakła hustaja kroŭ, — skazaŭ Tramp. — Ja chaču, kab praz majo serca ciakła dobraja, redkaja kroŭ. Heta ž łahična?»
Tramp admaŭlaje, što maje prablemy sa słycham. Jon taksama admaŭlaje, što zasynaŭ na niadaŭnich mierapryjemstvach u Biełym domie, i zajaviŭ, što jamu zaŭsiody chapała małoj kolkaści snu.
Skura Trampa nastolki dalikatnaja, što Pem Bondzi, jakaja ciapier źjaŭlajecca jaho hienieralnym prakuroram, paraniła jamu ruku piarścionkam, kali plasnuła jaho pa dałoni («dała piać») na źjeździe Respublikanskaj partyi ŭ Miłuoki.
Ultrahukavoje daśledavańnie vien pakazała, što ŭ prezidenta «chraničnaja vianoznaja niedastatkovaść». Tramp skazaŭ, što staŭ bolš ustavać z-za stała i chadzić, što taksama dapamahaje pry aciokach.
Ale jon nie cikavicca fizičnymi praktykavańniami, akramia holfa. «Mnie heta prosta nie padabajecca. Heta sumna, — skazaŭ Tramp. — Chadzić pa biehavoj darožcy ci biehać pa joj hadzinami, jak heta robiać niekatoryja ludzi — heta nie dla mianie».
Tramp prymaje leki dla kantrolu ŭzroŭniu chalesterynu i vykarystoŭvaje krem dla lačeńnia skury.
Prezident drenna śpić pa načach i, pa jaho ŭłasnych słovach, časta piša paviedamleńni i telefanuje pamočnikam u 2 hadziny nočy ci paźniej.
Son źjaŭlajecca asablivaj prablemaj na borcie Air Force One, dzie Tramp nie daje spać svaim daradcam. Staršyja supracoŭniki pa čarzie siadziać ź im padčas doŭhich pieralotaŭ. Prezident viadomy tym, što kpić z pamočnikaŭ, jakija zasynajuć.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary