Heta ŭ dva razy bolej, čym letaś.
Za 2025 hoda «Bajsołu» ŭdałosia sabrać bolš za 1,25 miljona jeŭra dapamohi. Fond adznačaje, što heta pakul papiarednija padliki.
Hetaja ličba ŭklučaje i piersanalnyja zbory, i zbory «Bajsoł» (naprykład, dziciačy zbor), a taksama zbory na inicyjatyvy. Ahułam u 2025 hodzie atrymałasia zakryć kala 250 piersanalnych zboraŭ, u tym liku, 12 dla biełaruskich dobraachvotnikaŭ va Ukrainie. I kolkaść achviaravańniaŭ, i siaredniaja ich suma pavialičylisia, adznačaje fond.
U 2025‑m byli dva vialikija ekstranyja zbory dla vyzvalenych palitviaźniaŭ. Kožny ź ich staŭ rekordnym: 111 tysiač jeŭra padčas pieršaha zboru i 260 tysiač jeŭra padčas druhoha. Abodva zbory byli zakrytyja vielmi chutka, a sabranyja sumy ŭdvaja pieravysili pastaŭlenyja mety.
Za hod kamanda evakuacyi «Bajsoła» praviała 140 kiejsaŭ.
U 2025 hodzie było zroblena taksama amal 500 vypłat palitviaźniam paśla vyzvaleńnia — heta hrošy, kab terminova kupić siezonnyja rečy, leki ci kampiensavać inšyja žyćciova nieabchodnyja vydatki.
U 2025 hodzie fond padtrymaŭ 10 prajektaŭ inicyjatyŭ mini-hrantami na ahulnuju sumu amal 37 tysiač jeŭra. A haračaja linija apracavała bolš za 2 tysiačy zapytaŭ roznaj składanaści.
U 2024‑m fond sabraŭ bolš za 619 tysiač jeŭra.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary