Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata
U śviežym vypusku jutub-šou «O(b)suždajem» adzin ź viadoŭcaŭ padzialiŭsia haniebnaj historyjaj sa svajho studenckaha minułaha, za jakuju jamu dahetul soramna: kali jon prydumaŭ schiematoz, jak padzarabić na pryjeździe papularnaj aktrysy z Maskvy.
Studencki film z halivudskim razmacham
Historyja adbyłasia ŭ 2016 hodzie, kali Prus byŭ studentam Akademii mastactvaŭ z pravincyi. U jaho byŭ adnakurśnik-płatnik, syn bahatych baćkoŭ ź Irana, jaki vyrašyŭ źniać u jakaści kursavoj pracy paŭnavartasny film. Jon atrymaŭ ad baćki biudžet na niekalki tysiač dalaraŭ i pastaviŭ ambicyjnuju ŭmovu: hałoŭnuju rolu pavinna vykanać biełaruska Alesia Hrybok.
Na toj momant Hrybok dla studentaŭ-aktoraŭ u Minsku była prykładam pośpiechu: jana pierajechała ŭ Maskvu, rehularna zdymałasia ŭ rasijskich sieryjałach i zarablała prafiesijaj. «Jana była dziaŭčynkaj, u jakoj atrymałasia», — tłumačyć Prus.
Siabra Ivana, jaki byŭ druhim režysioram na zdymkach, prapanavaŭ jamu vykanać funkcyi administratara. Adna z zadač — znajści kvateru dla aktorki i jaje muža, jakija pryjazdžali na 20 dzion. Na heta byŭ vydadzieny biudžet — umoŭnyja 500 dalaraŭ.
Šabany, paściela ź internatu i smurod sa śmietnika
Pierad Ivanam paŭstaŭ maralny vybar: arandavać dobruju kvateru ci zekanomić, kab pakinuć roźnicu sabie.
«Ja pačaŭ mocna dumać, jak možna sekanomić. Šukaŭ varyjanty pustych kvater, ale ničoha niama. I tady ja prydumaŭ sabie lehiendu…» — uspaminaje błohier.
Prus vyrašyŭ źniać kvateru na doŭhi termin, prykinuŭšysia maładym śpiecyjalistam. Jaho vybar paŭ na «ŭtulnuju kvaterku ŭ Šabanach».
«Heta rajon, jaki znachodzicca za Minskam, niedaloka ad śmietnika. Samy kryminalny rajon Minska. Tam sapraŭdy śmiardzieła vielizarnym śmietnikam», — pryznajecca Ivan.
Kvatera była «bolš čym ubohaja»: u joj nie było ni posudu, ni čajnika, ni prasa, ni navat narmalnaj paścieli. Usio heta Prusu pryjšłosia prynieści sa svajho internackaha pakoja.
«Ja prypior svoj čajnik ź internata. Nu, vy ŭjaŭlajecie, jak vyhladaŭ čajnik u pacanskim pakoi? Ja ŭziaŭ svaju paścielu ź internata — tuju, što vydajuć, ź piačatkami», — raskazvaje jon.
«Alesia, rajon kłasny!»
Sustrakajučy aktorku, Ivan impravizavaŭ, kab apraŭdać svoj vybar:
«Alesia, ty razumieješ, zaraz ža leta, usie kvatery raźbirajuć! Byŭ varyjant u centry, ale vas ža potym na zdymačnuju placoŭku nie adviazuć, tamu što heta biaskoncyja zatory. A tut — kalcavaja! Jość krama, basiejn, saŭna. Naohuł, rajon kłasny!».
Sa słoŭ Prusa, Alesia Hrybok, choć i «trochi pryfihieła», adreahavała vielmi adekvatna: nie stała ładzić skandał i pastaviłasia da situacyi z razumieńniem.
«Joj za heta vielizarny plus. Jana mahła b załamać ruki i skazać: «Chłopcy, vy što, zusim ačmureli?»», — kaža błohier.
U vyniku na hetaj «schiemie» Ivan zarabiŭ kala 200 dalaraŭ. «Dla mianie tady heta realna byli hrošy. Student u Minsku na 200 dalaraŭ spakojna moh miesiac žyć», — tłumačyć jon.
Los filma, dziela jakoha ŭsio heta rabiłasia, zastaŭsia nieviadomym. Prus miarkuje, što student-režysior tak i nie davioŭ pracu da kanca. A Alesia Hrybok paźniej pierafarmatavałasia z aktorki sieryjałaŭ u papularnuju błohierku, jakaja zdymaje virusnyja tyktoki pra sakrety aktorskaha majsterstva.
«Alesia, kali raptam ubačyš dzie-niebudź hety kavałačak, dziakuj vialiki, što nie załomvała ruki, pažyła ŭ Šabanach i nie vy*vałasia», — źviarnuŭsia ŭ kancy historyi Ivan Prus da hieraini svajho ŭspaminu.
Kamientary
ubity == vbityj, vkołočiennyj
---
ci sekanomić, ---- sekonmiť možno TAM ŽIE, a ŭ Biełarusi - Zekanomić
ubíty, ‑aja, ‑aje.
1. Dziejeprym. zał. pr. ad ubić. (Tłumačalny słoŭnik biełaruskaj movy)
ubíć, 4. što. Zmarnavać, zraschodavać niepradukcyjna (razm.).
Ubić čas. (Tłumačalny słoŭnik biełaruskaj litaraturnaj movy)
sekanomić, zekanomić, z'ekanomić - litaraturnyja varyjanty. "Dy vy nie skromničajcie. A to ja vas viedaju, vy hatovy piaškom iści piatnaccać kiłamietraŭ, kab tolki na ramiźniku sekanomić". Krapiva.
Vučycie rodnuju movu, kab nie ŭmiorli