HUR raskryła padrabiaznaści insceniroŭki hibieli kamandzira RDK, za jakuju atrymała $500 tysiač ad zakazčykaŭ VIDEA
Hałoŭnaje ŭpraŭleńnie raźviedki Ukrainy (HUR) raskryła padrabiaznaści śpiecapieracyi, padčas jakoj była insceniravanaja hibiel kamandzira «Ruskaha dobraachvotnickaha korpusa» Dzianisa Kapuścina. Dla pierakanańnia rasijskich śpiecsłužbaŭ byŭ źniaty videazapis udaru dronaŭ pa mikraaŭtobusie, za jaki, jak śćviardžaje HUR, jany atrymali paŭmiljona dalaraŭ.
U aficyjnym paviedamleńni HUR havorycca, što metaj składanaj šmatetapnaj śpiecapieracyi było zachavańnie žyćcia kamandzira RDK i vykryćcio varožaj ahienturnaj sietki. Apieracyju pravodziŭ śpiecnaz HUR «Śpiecpadraździaleńnie Cimura».
Kab padtrymać lehiendu pra hibiel Kapuścina, ukrainskija raźviedčyki stvaryli videazapis pracy dvuch udarnych dronaŭ.
«Pieršy bieśpiłotnik ulacieŭ u mikraaŭtobus, u jakim nibyta znachodziŭsia Kapuścin, druhi zafilmavaŭ «nastupstvy ŭdaru» — pałajučy aŭtamabil», — havorycca ŭ paviedamleńni ŭkrainskaj raźviedki.
Pavodle infarmacyi HUR, zakazčyki ŭ rasijskich śpiecsłužbach pavieryli ŭ pakazanaje videa i apłacili «zamovu».
«Apłacili ŭkrainskim raźviedčykam «zamovu» — paŭmiljona dalaraŭ, jakija istotna ŭzmocniać bajavyja mahčymaści śpiecnazaŭcaŭ HUR», — adznačyli ŭ viedamstvie.
Nahadajem, 27 śniežnia 2025 hoda ŭ aficyjnych kanałach RDK źjaviłasia paviedamleńnie pra toje, što na zaparožskim napramku frontu padčas vykanańnia bajavoha zadańnia zahinuŭ kamandzir Dzianis «WhiteRex» Kapuścin.
Adnak 1 studzienia 2026 hoda HUR apublikavała videa, na jakim Kapuścin źjaviŭsia žyvy razam z kiraŭnikom raźviedki Kiryłam Budanavym. Tady i stała viadoma, što jaho hibiel była častkaj śpiecapieracyi pa zryvie realnaha zamachu na jaho žyćcio.
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary