U Rasii źbirajucca sudzić za «dezinfarmacyju» «Vikipiedyju», bo nazyvaje vajnu vajnoj
U dačynieńni da «Vikipiedyi» ŭ Rasiei budzie składzieny administracyjny pratakoł za «nievydaleńnie niedakładnych hramadska značnych materyjałaŭ, a taksama inšaj zabaronienaj infarmacyi», paviedamlaje Raskamnahlad.
«Zabaronienaja» infarmacyja tyčycca ŭvarvańnia Rasii ŭ Ukrainu, jakoje ŭ RF nazyvajuć «śpiecyjalnaj vajennaj apieracyjaj». U Vikipiedyi jość artykuł «Vtoržienije Rośsii na Ukrainu (2022)», u jakim pradmiet artykuła nazyvajecca «rasijskaj ahresijaj suprać Ukrainy», «rasijska-ŭkrainskaj vajnoj», «vajnoj» i h. d.
Taksama ŭ viedamstva jość pretenzii da taho, što ŭ artykule padajucca źviestki pra šmatlikija achviary siarod rasijskich vajskoŭcaŭ i cyvilnaha nasielnictva Ukrainy, jakich niama ŭ pres-relizach rasijskaha ministerstva abarony.
Raskamnahlad zapatrabavaŭ u administracyi resursa vydalić hetyja materyjały, ale jana patrabavańnia nie vykanała.
Za nievydaleńnie infarmacyi va ŭstanoŭleny termin uładalniku sajta pahražaje štraf u pamiery da 4 młn rasijskich rubloŭ (kala 50 tysiač dalaraŭ).
Stanisłaŭ Kazłoŭski, vykanaŭčy dyrektar arhanizacyi «Vikimiedia.Ru», jakaja kiruje ruskamoŭnaj viersijaj «Vikipiedyi», zajaviŭ, što infarmacyja, jakuju ŭ Raskamnahladzie nazvali niedakładnaj, paćviardžajecca spasyłkami na adpaviednyja krynicy.
«Uvieś kantent «Vikipiedyi» vyznačajecca nie arhanizacyjaj, a supolnaściu ŭdzielnikaŭ «Vikipiedyi», jakija ŭ sprečkach vyrašajuć, jak maksimalna niejtralna nazvać toj ci inšy artykuł.
Nijakich fejkaŭ tam niama. Da ŭsioj infarmacyi, jakaja pryvodzicca, padajecca krynica.
Infarmacyja pra achviary ŭziataja z sajta AAN, u jakuju ŭvachodzić Rasija, uklučajučy Radu Biaśpieki. Dla nas AAN — całkam sabie aŭtarytetnaja krynica».
Kazłoŭski dadaŭ, što ŭ vypadku składańnia administracyjnaha pratakoła patrabavańnie vypłacić štraf, pamier jakoha moža skłaści 4 młn rubloŭ, budzie nakiravana ŭ centralny ofis «Vikipiedyi» ŭ ZŠA.
Z hetym ža samym artykułam, darečy, źviazvajuć zatrymańnie ŭ Minsku Marka Bernštejna.
HUBAZiK zatrymaŭ jaho mienavita za redaktarskuju pracu nad artykułami ŭ Vikipiedyi, pryśviečanymi mienavita vajnie va Ukrainie.
12 sakavika sud aryštavaŭ Biernštejna na 15 sutak pa artykule ab niepadparadkavańni słužbovaj asobie (art. 24.3 KaAP). A 26 sakavika suprać jaho raspačali kryminalnuju spravu ab hrubym parušeńni paradku (č. 1 art. 342 KK).
Ciapier čytajuć
Łukašenka patłumačyŭ, čamu jaho nie vidać pa sieradach i subotach19
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary