Na naradzie ŭ Łukašenki siońnia abmierkavali prapanovy pa ŭdaskanaleńni infarmacyjnaj palityki.
Łukašenka zajaviŭ, što Biełaruś pastajanna padviarhajecca «ideałahičnym, infarmacyjnym, vajennym i psichałahičnym pahrozam».
«My znachodzimsia faktyčna pad hetym presam z boku kalektyŭnaha Zachadu — Vašynhtona i jaho sajuźnikaŭ. Namiery viadomyja: destabilizavać hramadstva, źmianić kanstytucyjny ład, pryvieści da ŭłady patrebnych ludziej, pasłuchmianych Zachadu. Uzrovień technałohij, kinutych na realizacyju hetych metaŭ, vielmi vysoki», — adznačyŭ jon.
Na dumku Łukašenki, «kalektyŭny Zachad» sprabuje ŭździejničać na Biełaruś «z vykarystańniem psichałahičnych apieracyj i mietodyk upłyvu na śviadomaść ludziej». U jakaści prykładu jon pryvioŭ Ukrainu, dzie, maŭlaŭ, «razhortvajecca scenaryj, nie realizavany na našaj ziamli».
«Treba razumieć, što ludzi, jakija sočać za navinami, nie zaŭsiody ŭ stanie adździalić praŭdu ad chłuśni. Kali nie źjaŭlaješsia realnym udzielnikam padziej i atrymlivaješ vielizarnuju kolkaść infarmacyi ŭ vyhladzie chłuśni i fejkaŭ, sapraŭdy ciažka praŭdu ad chłuśni adździalić. Na Zachadzie palityku ŭ pryncypie daŭno pieratvaryli ŭ pastanovačnaje kino, šou. Ludziej pryvučyli da takoha farmatu padačy infarmacyi, tamu praŭda časam nie cikavaja. Cikaviejšy fejk, šou. Tamu što pryhoža pastaŭleny», — skazaŭ palityk.
«Samaje hałoŭnaje — my pavinny ŭmieć vieści kontrprapahandu, jak jaje nazyvali raniej u Savieckim Sajuzie, — dadaŭ Łukašenka. Ja i siońnia nie admaŭlajusia ad hetaha. Tak, nie treba bajacca hetaha słova — prapahanda. My prapahandujem najlepšaje, ahitujem za najlepšaje. Raniej byli adździeły prapahandy i ahitacyi ŭ CK partyi i da rajkamaŭ. Prapahandavali svoj ład žyćcia, viali baraćbu, ahitavali za ŭsio najlepšaje, jak my heta razumieli».
Ciapier čytajuć
Skandał u połackaj škole: maci śćviardžaje, što jaje syna źbili na treniroŭcy pa dziudo — tak chłopca «vychoŭvaŭ» trenier2
Kamientary