Miedcentr «Kravira» čakaje pazapłanavuju pravierku? Uładalnik: Viadziecca prosta rabota z dakumientacyjaj
Jak stała viadoma «Našaj Nivie» ad supracoŭnikaŭ miedcentra, «Kravira» rychtujecca da pazapłanavaj dziaržaŭnaj pravierki dziejnaści.
Jana maje raspačacca ŭ červieni.
Pravierka mahčyma na fonie teraryzavańnia śfiery pryvatnaj miedycyny. Nahadajem, što z 16 maja prypynienaja dziejnaść «Łade». U «Nardzin» prychodziŭ DFR, zatrymlivali zasnavalnika centra doktara Sajkova.
«Kravira» — heta sietka klinik, jakaja pracuje ŭžo 20 hod. U štacie — bolš za sto daktaroŭ. U centry jość dziciačaje i darosłaje adździaleńni, kirunak płastyčnaj chirurhii i kaśmietałohii, stamatałohija.
Pra toje, što pravierki pryvatnych centraŭ buduć praciahnutyja, zajaviŭ i Dziaržkantrol. U tym liku voźmucca i za stamatałohii, piša «Sputnik».
Abnoŭlena. Uładalnik kliniki Alaksandr Prakapovič paźniej abvierh u kamientary Biełaruskamu rasśledavalnickamu centru paviedamleńni ab padrychtoŭcy inśpiekcyi.
«U suviazi sa źmienaj zakanadaŭstva viadziecca płanavaja rabota z dakumientacyjaj, moža, heta naściarožyła našych supracoŭnikaŭ. Ale jak mnie skazali, aficyjnaj, dy i nieaficyjnaj infarmacyi ab praviercy ŭ našaha kiraŭnictva niama. Tak što heta tolki čutki», — zajaviŭ Alaksandr Prakapovič.
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama1
Kamientary