Premjer Litvy: Baraćba z balšavickim cmokam jašče nie skončanaja. Adsiakaješ adnu hałavu, vyrastaje novaja
«Jamu adsiakajuć hałavu, na jaho miescy vyrastaje novaja», — zajaviła premjer-ministr Litvy Inhryda Šymanicie ŭ aŭtorak z nahody 81-j hadaviny pačatku savieckich vysyłak, paviedamlaje Delfi.lt
«Kožny hod Dzień smutku i nadziei maje svajo asablivaje adcieńnie. U hetym hodzie jon maje novaje značeńnie, bo vajna va Ukrainie pakazała, što baraćba z cmokam balšavickaj akupacyi jašče nie skončanaja», — havorycca ŭ zajavie premjer-ministra. Pavodle jaje słoŭ, raniej zdavałasia, što pieršaj vielmi balučaj ranaj akupacyi dla Litvy była departacyja nasielnictva ŭ vahonach dla žyvioł, i ŭsio skončyłasia, kali Litvu pakinuŭ apošni pradstaŭnik akupacyjnaj armii, ale vajna va Ukrainie pakazała, što baraćba jašče nie zaviaršyłasia.
«Ciapier my možam udakładnić, što prykładajučy vielizarnyja namahańni ŭ vajnie va Ukrainie, kab kančatkova skončyć z hetaj tatalitarnaj impieryjaj, my pierakanalisia, što kali cmoku adsiakajuć hałavu, vyrastaje inšaja — jašče bolš lutaja», — zajaviła kiraŭnica urada.
«My źjaŭlajemsia nacyjaj, jakaja šmat pakutavała, ale mienavita tamu my možam čerpać siłu i nadzieju z našaj historyi. Našy dziady vytrymali vyprabavańnie vyhnańniem, nie złamalisia, a hałoŭnaje zachavali čałaviečnaść. Heta ŭmacoŭvaje vieru ŭ toje, što my vytrymajem i apošnija kanvulsii hetaha šmathałovaha cmoka i, narešcie, zmožam skazać, što vielmi doŭhaja i ciažkaja baraćba z savieckim impieryjalizmam vyjhranaja», — adznačyła premjer-ministr.
U aŭtorak u Litvie prachodziać mierapryjemstvy Dnia smutku i nadziei — 14 červienia savieckija ŭłady, jakija akupavali krainu 81 hod tamu, pačali masavyja departacyi ŭ hłyb Savieckaha Sajuza.
-
Tramp ściahvaje da Irana vializnuju armadu i pahražaje novymi ŭdarami
-
Maci kinuła troch dziaciej u klatčastych torbach u roznych miescach. Jany znajšli adno adnaho praź dziasiatki hadoŭ
-
Pierad biełaruskaj unijackaj carkvoj u Antvierpienie pakinuli kanistru ź bienzinam i piratechnikaj. Padazravanaha zatrymali
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary