Alimpijski čempijon Andrej Aramnaŭ pajechaŭ ź Biełarusi ŭ Braziliju. Čym jon tam budzie zajmacca?
Asiłak-ciažkaatlet praviadzie majstar-kłasy ŭ dziesiaci haradach, u tym liku ŭ San-Paŭłu i Rya-de-Žaniejra
U 2022-m, u 34 hady, Andrej syšoŭ sa zbornaj. Ale čałaviek jon ambicyjny, poŭny sił i žadańniaŭ, paviedamlaje belarus.kp.ru.
Na dniach Andrej prylacieŭ u Paŭdniovuju Amieryku, dzie ŭžo pravodzić majstar-kłasy ŭ miežach prajekta Lift like Russian («Padymaj jak ruski»). Jon budzie treniravać jak prafiesijanałaŭ, tak i amataraŭ. U Brazilii Andrej praviadzie paŭtara miesiaca.
— U mianie pačynajecca trenirovačny tydzień — kemp na siem dzion, budu treniravać archaraŭcaŭ, — paviedamiŭ Aramnaŭ z San-Paŭłu 25 lipienia.
Paśla San-Paŭłujon nakirujecca ŭ Sarakaba, Ribiejran-Pretu, Brazilia, Rya-de-Žaniejra dy inšyja miescy — usiaho dziesiać haradoŭ.
— Samaje hałoŭnaje ŭ žyćci być ščaślivym. Hetaha ja vam i žadaju, — źviarnuŭsia Andrej da svaich padpisčykaŭ.
Jamu rajać zdymać pabolš videa pra padarožža ŭ Braziliju, i Andrej kaža, što ŭžo heta robić, voś tolki niama kamu dapamahčy mantavać. Tak što pakul jon dzielicca tolki rolikami z trenirovak. A na pytańni pra žyćcio adkazvaje biez žadańnia čymści paradavać padpisčykaŭ.
— Ničoha novaha, usio zalik, — adkazaŭ jon na pytańnie pra brazilskuju ježu.
Kamientary