Jabaćka zasypaŭ akaŭnty pryhažuń u Threads intymnymi prapanovami
«Chaču być tvaim pieršym».
Siabie 25‑hadovy Alaksandr Lebiedzieŭ apisvaje jak biełaruskaha patryjota, ahrachimika-hlebaznaŭcu. Jon udzielničaje praktyčna va ŭsich praŭładnych mierapryjemstvach Homiela. «Z upeŭnienaściu mahu skazać, što naš baćka — samy mocny lidar, i ja hanarusia, što padtrymlivaju jaho jak kandydata na vybarach», — pisaŭ jon u 2024-m.
Raniej Alaksandr pracavaŭ nastaŭnikam bijałohii i chimii ŭ siaredniaj škole №49 Homiela. Ale ŭ 2023 hodzie jaho zatrymali za padpisku na «ekstremiscki» resurs. Pracu daviałosia źmianić. Chłopiec uładkavaŭsia ahrachimikam-hlebaznaŭcam u abłasnuju prajektna-raźviedvalnuju stancyju chimizacyi sielskaj haspadarki.
U sacsietcy Threads Alaksandr Lebiedzieŭ nie prachodzić mima akaŭntaŭ biełaruskich pryhažuń — pakidaje pad mnohimi dopisami sercajki i ahieńčyki i namiakaje, što ŭ pošukach pary.
«Maja pieršaja», — vykłała dziaŭčyna fota ź miedalom paśla zabiehu. «Chaču być tvaim pieršym», — napisaŭ joj Alaksandr.
«Što moža być lepšym za masaž?» — apublikavała fota inšaja pryhažunia. «Seks», — padmirhvaje ŭ kamientarach aktyvist.
«Ja nie žanaty. Šukaju dziaŭčynu», — adznačyŭsia Alaksandr u inšym tredsie.
«Mnie 23. Jašče ruchajusia pa žyćci. Chaciełasia b ruchacca razam z pałavinkaj. Moža, pahulajem?» — prapanuje čarhovaj dziaŭčynie.
«Chaču paznajomicca z taboj tak, kab nie zabyć», — heta ŭžo namiakaje inšaj.
«Škada, što nie maja», — prakamientavaŭ fota dziaŭčyny ŭ čornym mini.
Niekatoryja dopisy dziaŭčat užo niedasiažnyja, ale zastalisia kamientary Alaksandra da ich. «Davaj paženimsia», «Čakaju, kali ty budzieš volnaja na asabistym froncie», «Lublu tusić u kłubie. Pajšli sa mnoj?».
Ale pakul pošuki druhoj pałovy biezvynikovyja.
Praŭładnaha homielskaha aktyvista paśla zatrymańnia za «ekstremizm» nie ŭziali na kancert u Minsk. Jon pakryŭdziŭsia
Homielskaha kamunista zatrymali za padpisku na «ekstremisckija» resursy — ciapier jon jeździć pa kałhasnych palach
Historyja Alaksandra Lebiedzieva z Homiela atrymała praciah — jaho pačali bulić u praŭładnych kołach
«Adbyłasia žachlivaja pamyłka». U Homieli za «ekstremizm» zatrymali praŭładnaha aktyvista
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary