Paźniak pra mirny płan Trampa: Heta nie spraviadliva, ale racyjanalna dla ZŠA
«Tramp imkniecca, kab mir byŭ abaviazkova zaklučany, navat koštam Ukrainy».
Zianon Paźniak prakamientavaŭ aktyvizacyju pieramoŭ adnosna spynieńnia rasijska-ukrainskaj vajny, zajaŭlajučy, što dziejańni administracyi Donalda Trampa pradyktavany racyjanalnymi intaresami Złučanych Štataŭ.
«U situacyi, jakaja tryvaje ŭžo try hady, u intaresach Złučanych Štataŭ (asabliva ŭličvajučy čyńnik Kitaja) treba, kab skončyłasia rasiejska-ukrainskaja vajna. Złučanym Štatam nie karysna ŭviazacca ŭ hetuju vajnu, i tamu prezident Tramp imkniecca, kab mir byŭ abaviazkova zaklučany, navat koštam Ukrainy. Heta nie spraviadliva, ale z racyjanalnaha hledzišča administracyi ZŠA, lepš, čym pakinuć situacyju ź ciakučym kanfliktam na vymotvańnie sił (i, adpaviedna, z uciahnieńniem Amieryki ŭ padziei)», — piša Paźniak.
Hałoŭnuju prablemu ŭ mirnym pracesie Paźniak bačyć u pazicyi Rasii.
«Hałoŭnaja ciažkaść, adnak, u tym, što ruskija jakraz namierany pravodzić vajnu na źniasilvańnie, kab zabrać usiu Ukrainu i adpaviedna razumiejuć amierykanski «Płan-28», jaki realna im nie patrebny (hetak ža, jak i jeŭrapiejski).
Možna spadziavacca, što (kab prymusić Rasieju da miru) Amieryka znoŭ źvierniecca da pałki: ekanamičnaha, sankcyjnaha, finansavaha i hieapalityčnaha cisku na Maskvu. Šansy tut jość, ale achviary i śmierć nie spyniacca», — piša palityk.
Jon dadaje, što «naša biełaruskaja nacyjanalnaja zadača — usimi siłami padtrymlivać Ukrainu».
Kamientary